توكيو-2020: قازاقستان سپورتشىلارى وليمپيادانى اياقتادى

توكيو. قازاقپارات - قازاقستاندىق سپورتشىلار توكيو وليمپياداسىنداعى جارىستارىن اياقتادى.

ەل قۇراماسى قورجىنىندا بارلىعى سەگىز قولا مەدال بار، دەپ حابارلايدى قازاقپارات ءتىلشىسى.

ەسكە سالساق، ءدۇبىرلى دوداعا قازاقستان اتىنان 97 سپورتشى سپورتتىڭ 28 تۇرىنەن باق سىنادى. قازاقستان ۇلتتىق وليمپيادالىق كوميتەتى ايتۋلى الامانعا باراتىن ءتىزىمدى ناقتىلاۋ ماقساتىندا ىرىكتەۋ جانە رەيتينگ جارىستارى اياقتالعاننان كەيىن قورىتىندى شىعاردى.

ناتيجەسىندە قازاقستاندىق سپورتشىلار بارلىعى سەگىز قولا مەدال الدى. بۇل - ەل سپورتشىلارىنىڭ قاتىسۋىمەن وتكەن جازعى وليمپيادا ويىندارىنداعى ەڭ تومەنگى كورسەتكىش. سونداي-اق، ءوزىنىڭ تاريحىندا تاريحىندا تۇڭعىش رەت التىن جانە كۇمىس مەدالسىز قايتىپ وتىر.

بۇرىن مۇنداي جاعداي بولعان ەمەس. ال 2004 -جىلى افينى وليمپياداسىندا نەبارى جەتى مەدال ولجالاپ قايتقان ەدى. الايدا ولاردىڭ 1 ى التىن، 4 ى كۇمىس، 3 ى قولا بولاتىن. قازاقستان قۇراماسىنىڭ بۇعان دەيىنگى وليمپيادالارداعى كورسەتكىشى تومەندەگىشە:

اتلانتا-1996 - 4-4-3

سيدنەي -2000 - 0-4-3

افينى-2004 - 3 -4-1

بەيجىڭ-2008 - 4-3-2

لوندون-2012 - 7-1-3

ريو-دە-جانەيرو-2016 - 10-5-3

اۆتور: ءادىلجان ۇمبەت