ماگيستراتۋرا-2020: كەشەندى تەستىلەۋ قالاي وتەدى؟

نۇر-سۇلتان. قازاقپارات - بيىل ماگيستراتۋراعا ءوتىنىش بىلدىرگەندەر كەشەندى تەستتى ەلەكترون فورماتتا تاپسىرادى.

تەستىلەۋ ەرەجەسىنە قانداي وزگەرىس ەنگەنى adilet.zan.kz سايتىندا جاريالاندى.

ەرەجە:

1) تەستىلەۋ 17- تامىزدا باستالادى؛

2) ونلاين-اپپەلياتسيانى ناتيجە شىققاننان كەيىن 30 مينۋت ىشىندە بەرۋگە بولادى؛

3) كومپيۋتەرمەن تەست تاپسىرىپ جاتقاندا بەلگىلى ءبىر سۇراققا جاۋاپ بەرمەي تۇرا تۇرۋعا، كەلەسى سۇراققا وتۋگە بولادى؛

4) تەستىلەۋدىڭ ءادىل ءوتۋىن كوميسسيا كامەرا ارقىلى قاداعالايدى؛

5) تەستىلەۋگە بەرىلەتىن ۋاقىت:

وقىتۋ قازاق نەمەسە ورىس تىلىندە جۇرگىزىلەتىن ماگيستراتۋراعا تۇسۋشىلەر ءۇشىن - 3 ساعات 55 مينۋت؛

وقىتۋ اعىلشىن تىلىندە جۇرگىزىلەتىن ماگيستراتۋراعا تۇسۋشىلەر ءۇشىن - 2 ساعات 40 مينۋت؛

شىعارماشىلىق دايىندىقتى تالاپ ەتەتىن ءبىلىم بەرۋ باعدارلامالارىنىڭ توپتارى بويىنشا ماگيستراتۋراعا تۇسۋشىلەر ءۇشىن - 2 ساعات 5 مينۋت؛

اراب ءتىلىن ءبىلۋدى تالاپ ەتەتىن ءبىلىم بەرۋ باعدارلامالارىنىڭ توپتارى بويىنشا ماگيستراتۋراعا تۇسۋشىلەر ءۇشىن - 2 ساعات 40 مينۋت؛

6) ءوز ورنىنا باسقا بىرەۋدى جىبەرىپ، تىيىم سالىنعان زاتتاردى الىپ كىرگەندەر ەمتيحانعا جىبەرىلمەيدى.

تىيىم سالىنعان زاتتار:

شپارگالكا، وقۋ قۇرالدارى، ءتۇرلى ديەۆايستار مەن قۇلاققاپ، پلەەر، مودەم، راديوەلەكترلى بايلانىس قۇرالدارى (Wi-Fi، Bluetooth، Dect، 3G، 4G).

بيىل پاندەمياعا بايلانىستى تالاپكەرلەردىڭ شەت ءتىلى سەرتيفيكاتتارى كەش كەلىپ نەمەسە كوبى ۇلگەرمەي جاتىر. مينيسترلىك حالىقارالىق سەرتيفيكاتتاردى 25- تامىزعا دەيىن قوسىمشا تاپسىرۋعا مۇمكىندىك بەردى.

massaget.kz