وسى اپتادا «مەملەكەتتىك ءتىل جانە ب ا ق-2020» جەڭىمپازدارى انىقتالادى
قولىنا قالام مەن ميكروفون ۇستاعان جۋرناليستەردىڭ ءداستۇرلى دوداسىن مادەنيەت جانە سپورت مينيسترلىگىنىڭ ءتىل ساياساتى كوميتەتى جانە شايسۇلتان شاياحمەتوۆ اتىنداعى «ءتىل-قازىنا» ۇلتتىق عىلىمي-پراكتيكالىق ورتالىعى جىل سايىن ۇيىمداستىرادى.
بايقاۋ ەرەجەسىنىڭ تالاپتارىنا سايكەس، ۇسىنىلعان جۋرناليستىك ەڭبەكتەردىڭ مازمۇنى - مەملەكەتتىك ءتىلدىڭ قىزمەت ەتۋ اياسىن كەڭەيتۋ، مارتەبەسىن نىعايتۋ، قازىرگى احۋالىن تالداۋ جانە وعان مونيتورينگ جۇرگىزۋگە باعىتتالۋى شارت.
جەڭىمپازدار «ۇزدىك ماقالا»، «ۇزدىك تەلەباعدارلاما»، «ۇزدىك راديوباعدارلاما»، «ۇزدىك سايت ماقالاسى» نوميناتسيالارى بويىنشا ماراپاتتالادى.
كونكۋرسقا ەلىمىزدىڭ تۇكپىر-تۇكپىرىنەن 56 جۋرناليست قاتىسىپ، 116 ماتەريال تالقىعا ءتۇسىپ وتىر.
اتالىمدار بويىنشا قاتىسۋشىلار:
- «ۇزدىك ماقالا» - 24 قاتىسۋشى، ماتەريالدار سانى - 49؛
- «ۇزدىك سايت ماقالاسى» - 12 قاتىسۋشى، ماتەريالدار سانى - 25؛
- «ۇزدىك راديوباعدارلاما» - 11 قاتىسۋشى، ماتەريالدار سانى - 23؛
- «ۇزدىك تەلەباعدارلاما» - 9 قاتىسۋشى، ماتەريالدار سانى - 19.
ەلىمىزگە بەلگىلى قالام قايراتكەرلەرى مەن تانىمال جۋرناليستەردەن قۇرالعان قازىلار القاسىنىڭ قىزۋ تالقىلاۋىنان كەيىن قابىلدانعان ورتاق شەشىم 26- ماۋسىم كۇنى سالتاناتتى تۇردە جاريالانادى.
