ق ر وليمپيادالىق قۇراماسى 2020 -جىلعى توكيو وليمپياداسىنا دايىندىقتى جاپونيادا وتكىزەدى
24 -شىلدەدە جاپونياداعى وليمپيادا ويىندارىنىڭ باستالۋىنا تۋرا ەكى جىل ۋاقىت قالعاندا قازاقستان ۇوك سپورت ديرەكتسياسىنىڭ باسشىسى ەلسيار قاناعاتوۆ پەن فۋكۋوكا گۋبەرناتورى حيروشي وگاۆا، قالا ءمەرى سۋتومۋ وكۋبو ارىپتەستىك تۋرالى كەلىسىمدى بەكىتتى.
بۇل كەلىسىم بويىنشا سپورتشىلار ءتورتجىلدىقتىڭ باستى دوداسىنا ساپالى دايىندىق كەزەڭىن جۇرگىزىپ، اتلەتتەر ءۇشىن ماڭىزدى سانالاتىن اككليماتيزاتسيادان وتۋگە مۇمكىندىك بەرىلەدى.
سالتاناتتى ءراسىم قايعىلى جاعدايدا كوز جۇمعان سپورتشى، وليمپيادا ويىندارىنىڭ جۇلدەگەرى دەنيس تەننىڭ قازاسىنا بايلانىستى قازاقستانعا كوڭىل ايتۋدان باستالدى. كۋرۋمە قالاسىنىڭ ءمەرى وكۋبو مىرزانىڭ ايتۋىنشا، بۇل تراگەليا قازاقستاندىق مانەرلەپ سىرعاناۋشىنىڭ تالانتىن قۇرمەتتەيتىن جاپونيا حالقىن ءدۇر سىلكىنتكەن.
ماۋسىم ايىندا كۋرۋمە قالاسىندا 2020 -جىلعى ويىندار قارساڭىندا ۇلتتىق قۇرامالاردى قابىلدايتىن، بارلىق حالىقارالىق تالاپتارعا جاۋاپ بەرەتىن جاڭا كوپسالالى سپورت كەشەنى اشىلدى. كەشەندە ويىن تۇرلەرىنە ارنالعان بارلىق كوماندالاردىڭ جاتتىعۋ جۇرگىزۋىنە مۇمكىندىك بار.
اتاپ ايتار بولساق، سپورتتىق گيمناستيكا، ۇستەل تەننيسى، جەكپە-جەك تۇرلەرى، جەڭىل اتلەتيكا جانە كانوەمەن ەسكەك ەسۋشىلەرگە بارلىق جاعداي قاراستىرىلعان. اتالعان كەلىسىم اياسىندا جاپوندىقتار وتاندىق سپورتشىلاردىڭ قايتارىمسىز نەگىزدە جاتتىعۋ جاساۋىنا مۇمكىندىك بەرەدى.
ايتا كەتەلىك، قازاقستان ۇ و ك جاپونياداعى جاتتىعۋ ورتالىقتارىمەن كەلىسىم جۇرگىزۋدى ريو-دە-جانەيروداعى وليمپيادا ويىندارىنان كەيىن باستاعان بولاتىن. ۇ و ك تەك قانا فۋكۋوكا پرەفەكتۋراسىمەن عانا ەمەس، نارا پرەفەكتۋراسىنىڭ وكىلدەرىمەن دە كەلىسىمگە كەلۋدە.
«توكيو وليمپياداسىنىڭ باستالۋىنا ءالى ەكى جىل بارىنا قاراماستان، قازاقستان ۇ و ك سپورتشىلاردىڭ الاڭسىز دايىندىعىن ۇيىمداستىرۋ ءۇشىن بەلسەندى تۇردە جۇمىس ىستەۋدە. ءبىز ۇلتتىق قۇراما سپورتشىلارى ءۇشىن ەڭ ۇزدىك دەگەن جاتتىعۋ ورتالىقتارىن تاۋىپ قانا قويماي، بىرلەسكەن وقۋ-جاتتىعۋ جيىندارىن وتكىزۋ جونىندە دە كەلىسىمگە كەلەمىز. وليمپيادالىق سپورت تۇرلەرىندەگى قۇرامالاردىڭ جاتتىعۋىن رەتتەۋ ءۇشىن جاپونيانىڭ وزگە دە پرەفەكتۋرالارىمەن كەلىسسوزدەر جۇرگىزەمىز»، - دەيدى سپورت ديرەكسياسىنىڭ باسشىسى ەلسيار قاناعاتوۆ.
كۋكرۋمە قالاسىنىڭ مەرى 2020 -جىلعى وليمپيادا ويىندارىنىڭ قارساڭىندا قازاقستاننىڭ وليمپيادالىق قۇراماسىن قابىلداۋ ۇلكەن ابىروي ەكەنىن ايتتى.
وكۋبو مىرزا زاماناۋي جاتتىعۋ ورتالىقتارى وتاندىق سپورتشىلاردىڭ دايىندىعىنا ءوز ۇلەسىن قوسادى دەگەن سەنىمدە.
