قازاقستان ارقىلى 2020-جىلدارى ترانزيتتىك جۇك اعىنى ەكى ەسەگە دەيىن ارتادى
تالقىلاۋعا مەملەكەتتىك ورگاندار، دامۋ ينستيتۋتتارى، قازاقستاندىق جانە شەتەلدىك بيزنەس وكىلدەرى قاتىستى.
سەميناردا «ق ت ج» ۇ ك» ا ق ۆيتسە-پرەزيدەنتى بەرىك كاماليەۆ كولىكتىك-لوگيستيكالىق سالانى جاساقتاۋدىڭ مەملەكەتتىك سيپات الىپ وتىرعانى، ونى عالامدىق دەڭگەيگە كوتەرۋ قاجەتتىگىن اڭگىمەلەدى.
ەلباسىنىڭ باستاماشىلىعىمەن باستالعان «جاڭا جىبەك جولى» عالامدىق جوباسىن جۇزەگە اسىرۋ جوباسى بويىنشا، 2020-جىلدارى قازاقستان ارقىلى ترانزيتتىك جۇك اعىنى ەكى ەسەگە دەيىن ارتىپ، بولاشاقتا 50 ميلليون تونناعا دەيىن جەتكىزىلەتىن بولادى»، - دەپ اتاپ ءوتتى ب. كاماليەۆ.
ب. كاماليەۆتىڭ ايتۋىنشا، يندۋستريالىق-يننوۆاتسيالىق دامۋدى جۇزەگە اسىرۋ ماسەلەسىندە ق ت ج جىلجىمالى قۇرام مەن مەتاللۋرگيا ونىمدەرىن: تەپلوۆوزدار، ەلەكتروۆوزدار، جۇك جانە جولاۋشىلار ۆاگوندارى، رەلستەر، باعىتتاۋىش بۇرمالار، تۇتاس قۇيما دوڭعالاقتار، ءىرى ۆاگون قۇيمالارىن شىعارادى.
سونداي-اق، ەكىنشى بەسجىلدىقتاعى يندۋستريالاندىرۋ باعدارلاماسى بويىنشا جىلجىمالى قۇرامداردى كەزەڭ-كەزەڭىمەن الماستىرۋ، كوپ سالالى كەشەندى ماشينا قۇراستىرۋ سالاسىن تۇرلەندىرۋمەن جالعاسادى. وسىعان وراي ماشينا قۇراستىرۋ سالاسىندا ەڭبەك ەتىپ جاتقان وتاندىق جانە شەتەلدىك كومپانيالار قولداۋ تابادى.
ينۆەستيتسيالار جانە دامۋ مينيسترلىگىنىڭ يندۋستريانى دامىتۋ مەن ونەركاسىپ قاۋىپسىزدىگى كوميتەتىنىڭ ءتوراعاسى قانات بايىتوۆ، «قازاقستاننىڭ يندۋستريانى دامىتۋ ينستيتۋتى» ا ق قولداۋ ورتالىعىنىڭ ديرەكتورى گۇلنار بەكسارينوۆا، «ۇلتتىق تەحنولوگيالىق دامۋ اگەنتتىگى» ورتالىعى ديرەكتورىنىڭ ورىنباسارى ولجاس ءبىلالوۆ، «KaznexInvest» ەكسپورت جانە ينۆەستيتسيالارى ۇلتتىق اگەنتتىگى» ا ق باسقارۋشى ديرەكتورى راسۋل قيزاتوۆتار تەمىر جول ماشيناسىن جاساۋ سالاسىنداعى قازاقستاندىق ۇلەستى ءوسىرۋ، شاعىن جانە ورتا بيزنەستى مەملەكەتتىك قولداۋ تۋرالى ءوز پىكىرلەرىن ورتاعا سالدى، دەپ حابارلايدى «ق ت ج» ۇ ك» ا ق باسپا ءسوز قىزمەتى.
