قازاقستاندا 2020-جىلى ونكولوگياعا شالدىققاندار %11,4 تومەندەدى
2020-جىلدىڭ قورىتىندىسى بويىنشا رەسپۋبليكادا 100 مىڭ تۇرعىنعا شاققاندا قاتەرلى ىسىكپەن سىرقاتتانۋ 173,5-گ ەجەتكەن. ابسوليۋتتى تۇردە 32526 جاڭا جاعداي انىقتالدى. سىرقاتتانعاندار سانى %11,4 تومەندەدى.
بۇل تۋرالى «قازاق ونكولوگيا جانە راديولوگيا عىلىمي-زەرتتەۋ ينستيتۋتى» ا ق باسقارما ءتورايىمى، ق ر د س م باس ونكولوگى، ق ر ۇ ع ا اكادەميگى، م. ع. د. ديليارا قايداروۆا حابارلادى.
«2020-جىلى ونكولوگيالىق ناۋقاستار كونتينگەنتى 190159 ناۋقاستى قۇرادى. ونكولوگيالىق اۋرۋلار قۇرىلىمىندا ءبىرىنشى ورىندا ءسۇت بەزى وبىرى - %13,2، ەكىنشى ورىندا وكپە وبىرى - %10,4، ءۇشىنشى ورىندا كولورەكتالدى قاتەرلى ىسىك %9,6. اۋىرعانداردىڭ %56 ەڭبەككە قابىلەتتى جاستاعى ادامدار»، - دەدى د. قايداروۆا.
ونكولوگيالىق ناۋقاستاردىڭ ەلەكتروندىق تىركەلىمىنىڭ دەرەكتەرى بويىنشا قاتەرلى ىسىكتەردەن بولاتىن ءولىم-ءجىتىم كورسەتكىشى 2020-جىلى 100 مىڭ تۇرعىنعا شاققاندا 75,5 نەمەسە 14150 جاعدايدى قۇرادى. ءولىم-ءجىتىمنىڭ تومەندەۋى %0,7 قۇرادى. ءولىم-ءجىتىم قۇرىلىمىندا ءبىرىنشى ورىندا - وكپە وبىرى - %16,4، ەكىنشى ورىندا-اسقازان وبىرى نەمەسە %11,5، ءۇشىنشى ورىندا- كولورەكتالدى قاتەرلى ىسىك %10,7 جانە ءسۇت بەزى وبىرى-%7,8.
ق ر د س م باس ونكولوگى قازاقستاندا ونكولوگيالىق كومەكتى جەتىلدىرۋ قازاقستاننىڭ ەنساۋلىق ساقتاۋ سالاسىن دامىتۋدىڭ 2020-2025-جىلدارعا ارنالعان مەملەكەتتىك باعدارلاماسىنىڭ جانە قازاقستانداعى ونكولوگيالىق اۋرۋلارمەن كۇرەس جونىندەگى 2018-2022-جىلدارعا ارنالعان كەشەندى جوسپاردىڭ مىندەتتەرىن ىسكە اسىرۋ شەڭبەرىندە جۇزەگە اسىرىلىپ جاتقانىن ەسكە سالدى.
ەرەسەك تۇرعىندارعا ونكولوگيالىق كومەكتى رەسپۋبليكالىق ۇيىمدار - «قازاق ونكولوگيا جانە راديولوگيا عىلىمي-زەرتتەۋ ينستيتۋتى» ا ق (قازورعزي)، «ۇلتتىق عىلىمي ونكولوگيالىق ورتالىق» ا ق كورسەتەدى، وڭىرلەردە - 15 ونكولوگيالىق ديسپانسەر/ورتالىق، 5 ونكولوگيالىق بولىمشە جانە 452 ونكولوگيالىق كابينەت جۇزەگە اسىرادى، جامبىل وبلىسىنىڭ تاراز قالاسىندا جاڭا ونكولوگيالىق ورتالىقتىڭ قۇرىلىسى اياقتالۋدا.
