قىتايدا 2020 -جىلعا قاراي حالىق سانى 1,42 ميلليارد ادامعا جەتەدى

استانا. قازاقپارات - 2020 -جىلعا قاراي قىتايدا حالىق سانى 1,42 ميلليارد ادامعا جەتەدى.

بۇل - دەنساۋلىق ساقتاۋ جانە جوسپارلى بالا تۋۋ ءىسى بويىنشا ۇلتتىق كوميتەتتىڭ ماقساتى. اتالمىش مالىمەت 13- بەسجىلدىقتاعى جوسپارلى بالا تۋۋ ماسەلەسى بويىنشا جالپى قىتايلىق دامىتۋ جوسپارىندا جاريالانعان، دەپ حابارلايدى شينحۋا.

قىتايدىڭ جوسپارلى بالا تۋۋى بويىنشا 12- بەسجىلدىققا ارنالعان نەگىزگى ماقساتتارى مەن تاپسىرمالارى تابىستى جۇزەگە اسقان. جاڭا تۋىلعان سابيلەردىڭ جىنىستىق ايىرماشىلىعى 117,9-دان 113,51 گە تومەندەگەن. 2015 -جىلى قىتايدىڭ حالىق سانى 1,375 ميلليارد ادامدى قۇراعان.