اسقار مامين: 2019 -جىل ەۋرازيالىق ەكونوميكالىق وداق ءۇشىن جەمىستى بولدى
«2019 -جىل ە ا ە و ءۇشىن ماڭىزدى ءارى وتە جەمىستى بولدى. بىرىنشىدەن، ءبىز ينتەگراتسيالىق بىرلەستىكتىڭ بەس جىلدىق مەرەيتويىن اتاپ وتتىك، الداعى بەس جىلدىق كەزەڭگە ينتەگراتسيالىق پروتسەستەردى دامىتۋدىڭ جاڭا كوكجيەكتەرىنىڭ نەگىزىن قالادىق» ، - دەدى اسقار مامين كەڭەيتىلگەن ۇكىمەت باسشىلارىنىڭ قاتىسۋىمەن وتكەن ەۋرازيالىق ۇكىمەتارالىق كەڭەستىڭ وتىرىسىندا.
سونىمەن قاتار، اسقار مامين ءبىرقاتار ماڭىزدى قۇجاتتار قابىلدانعانىن اتاپ ءوتتى. ونىڭ ىشىندە تەڭىز تاسىمالى بويىنشا كەلىسىم جاسالدى، بۇل وداق ەلدەرى اراسىندا تاۋار تاسىمالىن جەڭىلدەتە تۇسەدى. سونداي- اق، ە ا ە و- نىڭ جالپى قارجىلىق نارىعىنىڭ تۇجىرىمداماسى بەكىتىلدى. 2019 -جىلدىڭ جەلتوقسان ايىندا ە ا ە و ەلدەرىندە ەڭبەك ەتىپ جاتقانداردى زەينەتكە شىعۋ ماسەلەسىمەن قامتاماسىز ەتۋ كەلىسىمشارتى جاسالدى.
«قۇرمەتتى ارىپتەستەر، وتكەن جىلى ەۋرازيالىق ەكونوميكالىق ينتەگراتسيانى دامىتۋدىڭ 2025 -جىلعا دەيىنگى ستراتەگيالىق باعىتىنىڭ جوباسىن ازىرلەۋ بويىنشا جۇمىس جۇرگىزىلدى. ە ا ە و تۋرالى كەلىسىم مەن مەملەكەت باسشىلارىنىڭ 2018 -جىلعى 6 - جەلتوقساندا قابىلداعان ينتەگراتسيالىق پروتسەستەردى ودان ءارى دامىتۋ تۋرالى دەكلاراتسيانىڭ شەڭبەرىنەن شىقپاۋىمىز كەرەك. ە ا ە و ەكونوميكالىق بىرلەستىك ەكەنىن ەستە ۇستاعان ءجون. مەن تەك بىرلەسكەن ناتيجەلى جۇمىس قانا سىرتقى جاعىمسىز سىناقتارعا قارسى تۇرۋعا مۇمكىندىك بەرەدى دەپ سانايمىن. قازاقستان بەلسەندى جۇمىس ىستەۋگە، دامۋدىڭ جاڭا كوزدەرىن انىقتاۋعا، قاتىناستاردى نىعايتۋعا جانە ءبىز ءۇشىن ورتاق مىندەتتەردى بىرلەسىپ شەشۋگە مۇددەلى» ، - دەدى اسقار مامين.
ايتا كەتەرلىگى، الماتىدا ەۋرازيالىق ەكونوميكالىق وداق (ە ا ە و) ەلدەرى ۇكىمەت باسشىلارىنىڭ قاتىسۋىمەن ەۋرازيالىق ۇكىمەتارالىق كەڭەستىڭ وتىرىسى ءوتىپ جاتىر.
