قازاقستاندا 2019-جىلى قانشا جاڭا كولىك ساتىلدى
بۇل تۋرالى قازاقپارات «قازاۆتوونەركاسىپ» اۆتوكولىك سالاسىنداعى كاسىپورىندار وداعىنا سىلتەمە جاساپ حابارلايدى.
«2019-جىلدىڭ قورىتىندىسى بويىنشا رەسمي ديلەرلەر 71417 كولىكتى ساتتى، بۇل ءبىر جىل بۇرىنعى كورسەتكىشتەن 23,3 پايىزعا جوعارى. ەسەپتى كەزەڭدە قازاقستاندىقتار جاڭا جەڭىل كولىكتەردى الۋعا 654,3 ميلليارد تەڭگە جۇمساپ، 2018-جىلعى دەڭگەيدەن 31,8 پايىزعا ارتىق بولدى»، - دەلىنگەن تاراتىلعان مالىمەتتە.
كولىك ساتىپ الۋشى 42205 ادام (59,1 پايىزى) وتاندىق زاۋىتتاردىڭ ونىمىنە ءوز تاڭداۋىن جاساعان. سونىمەن قاتار، بىلتىرعى 12 ايدا ساتىلعان 29212 اۆتوموبيل (40,9 پايىزى) يمپورتقا تيەسىلى بولىپ وتىر.
اتالعان مەرزىمدە ەلىمىزدە سۇرانىسى جوعارى برەندتەردىڭ اراسىندا Lada كوش باستاپ تۇر. رەسپۋبليكا اۋماعىندا رەسەيلىك ماركانىڭ 15366 كولىگى وتكىزىلگەن. ال ساتىلعان Hyundai مودەلدەرىنىڭ سانى 14853- ءتى قۇرادى. ءۇشىنشى ورىنعا ساۋدالانعان 14197 كولىگىمەن Toyota شىعىپ وتىر. سونداي-اق بۇل بەستىككە KIA 3758 اۆتوكولىك جانە Raon 3651 برەندتەرى ەندى.
