قازاقستاندا 2019 -جىلى حالىق ساناعى قالاي جۇرگىزىلەدى

 استانا. قازاقپارات - قازاقستاندا 2019 -جىلدىڭ قاراشا مەن قازان ايلارىندا حالىق ساناعى جۇرگىزىلمەك. تاۋەلسىز قازاقستاننىڭ تاريحىندا 3- مارتە وتكىزىلەتىن حالىق ساناعىنىڭ بۇرىنعىلاردان وزگەشەلىكتەرى ق ر ۇلتتىق ەكونوميكا مينيسترلىگىندە ءتۇسىندىرىلدى، دەپ حابارلايدى قازاقپارات ءتىلشىسى.

«قازاقپارات» ح ا ا- نىڭ رەسمي ساۋالىنا بەرىلگەن جاۋاپقا سۇيەنسەك، «مەملەكەتتىك ستاتيستيكا تۋرالى» ق ر زاڭىنا، «ۇلتتىق ساناقتاردى جۇرگىزۋ قاعيداسى مەن مەرزىمدەرىن بەكىتۋ تۋرالى» ۇكىمەت قاۋلىسىنا، سونداي- اق الەمدىك دەرەكتەرمەن سالىستىرمالىلىقتى قامتاماسىز ەتۋ ماقساتىندا قازاقستاندا حالىق ساناعى ون جىلدا ءبىر رەت جۇرگىزىلەدى.

«تاۋەلسىزدىك العان سوڭ قازاقستاندا حالىق ساناعى 1999 جانە 2009 -جىلدارى ەكى رەت وتكىزىلدى. 1999 -جىلعى ساناقتىڭ قورىتىندىسى بويىنشا قازاقستاندىقتاردىڭ سانى  14981281   ادامدى، ال 2009 -جىلعى وتكىزىلگەن ساناق ناتيجەسى بويىنشا  16009597 ادامدى قۇرادى» ، - دەلىنگەن جاۋاپتا.

2015 -جىلعى ماۋسىمدا ب ۇ ۇ 2020 -جىلى حالىق ساناعىنىڭ كەزەكتى راۋندىن جۇرگىزۋ كەرەكتىگىن جاريالاعان. بۇۇ ۇسىنىمىن نازارعا الا وتىرىپ، بىشكەكتە ت م د مەملەكەتتەرىنىڭ باسشىلارى كەڭەسىنىڭ 2016 -جىلعى وتىرىسىندا تمد- عا قاتىسۋشى مەملەكەتتەردە كەزەكتى حالىق ساناعىن 2020 -جىلعا بارىنشا وڭتايلى مەرزىمدە - 2019 -جىلعى قازاننان باستاپ 2020 -جىلعى قازاندى قوسا العاندا جۇرگىزۋ تۋرالى شەشىم قابىلدانعان.

«وسىعان بايلانىستى قازاقستاندا كەزەكتى حالىق ساناعىن وتكىزۋ 2019 -جىلدىڭ قاراشا ايىنا جوسپارلانعان. سوڭعى ونجىلدىقتاعى حالىق ساناعىن جۇرگىزۋ پراكتيكاسى ولاردى ۇيىمداستىرۋ جانە جۇرگىزۋ ءۇشىن ءادىسنامالىق تاسىلدەردىڭ ساپالى وزگەرىستەردى قاجەت ەتەتىندىگىن كورسەتتى. ەلىمىزدە ساناعىش قۇرىلعىلاردى (سكانەرلەر) پايدالانا وتىرىپ تولىعىمەن قاعاز تۇرىندەگى فورمۋليارلار ارقىلى جۇرگىزىلگەن الدىڭعى ساناقتارعا قاراعاندا، 2019 -جىلعى حالىق ساناعى دامىعان ەلدەر اراسىندا العاشقىلاردىڭ ءبىرى بولىپ تەحنولوگيالىق يننوۆاتسيالاردى، اتاپ ايتقاندا، ينتەرنەت جەلىسى ارقىلى جانە ءپورتاتيۆتى- ەسەپتەۋىش قۇرىلعىلاردى (پلانشەتتى كومپيۋتەر) پايدالانا وتىرىپ، ءداستۇرلى ادىسپەن وتكىزۋ جوسپارلانعان» ، - دەلىنگەن رەسمي جاۋاپتا.

كەزەكتى حالىق ساناعىن ق ر ۇ ە م ستاتيستيكا كوميتەتى ەۋروپالىق ستاتيستيكتەر كونفەرەنتسياسىنىڭ جانە حالىقارالىق ۇيىمداردىڭ زەردەلەنگەن ۇسىنىستارىن ەسكەرە وتىرىپ وتكىزۋدى جوسپارلاۋدا. ناقتىراق ايتقاندا 2019 -جىلعى حالىق ساناعى:

1-پ «تۇراتىندار جانە (نەمەسە) كەلۋشىلەر ءتىزىمى» ؛

2-ج «تۇرعىن ءۇي جاعدايلارى» ؛

3-ي «جەكە» ؛

 4-ۆ «قازاقستان رەسپۋبليكاسىنىڭ اۋماعىندا ۋاقىتشا، 12 ايدان كەم تۇراتىندار» (شەتەل ازاماتتارى، ازاماتتىعى جوق ادامدار؛ تۇراقتى نەگىزدە شەتەلدە تۇراتىن قازاقستان رەسپۋبليكاسىنىڭ ازاماتتارى) ساناق پاراقتارى ارقىلى جۇرگىزىلەتىن بولادى. اتالعان ساناق پاراقتارىنىڭ جوباسى قازىرگى ۋاقىتتا مۇددەلى مەملەكەتتىك مەكەمەلەرمەن تالقىلاۋ ساتىسىندا. وسىدان كەيىن ساناق پاراقتارى قوعامدىق تالقىلاۋعا ۇسىنىلماق.