عارىشقا 2019-جىلى بيلەتتەر ساتىلا باستايدى
Blue Origin جەكە اەروعارىش كومپانياسىنىڭ اعا ۆيتسە-پرەزيدەنتى روب مەيەرسون تاياۋدا عارىشقا اپاراتىن سۋبوربيتالىق ساياحات بيلەتتەرى 2019-جىلى ساتىلىمعا تۇسەتىنىن مالىمدەدى.
«الداعى ۋاقىتتا عارىشقا العاشقى سىناق رەتىندە جولاۋشىلارمەن بىرگە ۇشا باستايمىز. ال، بيلەتتەر 2019-جىلى ساتىلىمعا شىعادى»، - دەپ ۋادە ەتتى مەيەرسون.
قازىرگى تاڭدا كومپانيانىڭ عارىشقا جاساعان بارلىق ساپارى جولاۋشىلارسىز جۇرگىزىلگەن، ءبىراق Blue وrigin بۇدان بۇرىن سىناق ۇشىرىلىمدارعا ونىڭ قىزمەتكەرلەرى قاتىساتىنىن ءمالىم ەتكەن بولاتىن.
مەيەرسون عارىشقا ۇشۋ بيلەتىنىڭ باعاسىن ايتقان جوق.
2015-جىلى كومپانيا New Shepard سۋبوربيتالىق كەمەسىن سەگىز رەت ۇشىرعان. سوڭعى ۇشىرىلىم 29- ساۋىردە ءوتتى. كەلەسى ۇشىرىلىمنىڭ قاشان بولاتىنى ازىرگە بەلگىسىز. كومپانياداعى دەرەككوز ونىڭ جازدا بولاتىنىن عانا راستادى.
Blue Origin كومپانياسىنىڭ نەگىزىن امەريكالىق ميللياردەر، 2000-جىلى الەمدەگى ەڭ داۋلەتتى ادام اتانعان دجەفف بەزوس قالاعان.
