قازاقستاننان 2018-جىلى مول تابىسقا كەنەلگەن جۇلدىزدار كىمدەر؟
حالىقتىڭ قالاۋلىسى بولىپ، كورەرمەننىڭ ىقىلاسىنا بولەنۋ بارلىق ادامنىڭ قولىنان كەلە بەرمەيدى. شوۋ-بيزنەستىڭ قاتال زاڭدارىنا توتەپ بەرىپ، سۇرانىسقا يە بولۋدىڭ قانشالىقتى قيىن ەكەنىن جۇلدىزدار جاقسى بىلەدى. جۇلدىزعا دەگەن سۇرانىس ارتقان سايىن، تاپقان تابىسى دا ۇلعايا تۇسەدى.
نازارلارىڭىزعا ەڭ تابىستى جۇلدىزدار بەستىگىن ۇسىنامىز.
1. قايرات نۇرتاس
ءانشى ءبىر جىلدا ەكى جارىم ميلليون دوللار تاپقان. جاقىندا قايرات ۇلكەن ساۋدا ورتالىعىن اشۋدى جوسپارلاپ وتىر.
2. نۇرلان قويانبايەۆ
شوۋمەن، كاسىپكەر جانە ەڭ باستىسى بىلىكتى پروديۋسەردىڭ جىلدىق تابىسى ءبىر جارىم ميلليون دوللار. ال جۋىردا شىعاتىن جاڭا فيلمىنىڭ قالتاسىن قانشا اقشاعا تولتىراتىنى ازىرگە بەيمالىم.
3. تۇرسىنبەك قاباتوۆ
ۇنەمى ىزدەنىستە جۇرەتىن تۇرسىنبەك قاباتوۆتىڭ ءبىر جىلعى تابىسى ءبىر ميلليون دوللارعا جەتكەن. ءارتىس ءبىر توي ءۇشىن بەس ميلليون السا، كورپوراتيۆتى كەش ءۇشىن جەتى ميلليون سۇرايدى دەسەدى.
4. ەركە ەسماحان
كوڭىلدى كەشتەردىڭ جۇلدىزىنا اينالعان ارۋدىڭ جىلدىق تابىسى 850 مىڭ دوللارعا جەتكەن. سوڭعى تۇسىرگەن «ماحاببات كافەسى» فيلمىنەن تۇسكەن تابىس ەسەپكە الىنبادى. ەل اراسىندا ەركەنىڭ ءال-اۋقاتى بايان ماقسات قىزىنان دا كوپ دەگەن قاۋەسەتتەر تاراۋدا.
5. ايقىن تولەپبەرگەن
SuperStar جوباسى ارقىلى تانىلعان ءانشىنىڭ جىلدىق تابىسى 600 مىڭ دوللاردان اسادى. جۇلدىز ومىرعاليمەن تاعدىرىن قوسقان ءانشىنىڭ جارناماعا ءتۇسۋى مەن تويعا بارۋى كوبەيگەن.