08:57, 01 - قىركۇيەك 2018 | GMT +5
ازيادا-2018: قازاقستان قورجىنىندا كەزەكتى التىن
استانا. قازاقپارات - قازاقستاندىق بايداركا ەسىشۋلەر 200 مەتر قاشىقتىققا ارنالعان جارىستا، التىن الدى، دەپ حابارلايدى قازاقپارات ۇلتتىق وليمپيادالىق كوميتەتتىڭ باسپا ءسوز قىزمەتىنە سىلتەمە جاساپ.
كوميتەت تاراتقان مالىمەتتەرگە قاراعاندا، التىندى قازاقستاندىق بايداركا ەسۋشى يننا كليموۆا جەڭىپ الدى. ونىڭ جارىستاعى ناتيجەسى - 42.045. يننا قىتايلىق قارسىلاسىنان 0.462 سەكۋندقا وزىپ كەتتى. قولا جۇلدە جاپونيالىق سپورتشىنىڭ ەنشىسىندە.
«مەن جەڭىسكە جەتەمىن دەگەن ماقسات قويدىم. ويتكەنى، بۇل ەلىمىز ءۇشىن ماڭىزدى دودا. سوندىقتان، پسيحولوگيالىق تۇرعىدان ازداپ قيىندىق تۋدى. بارلىعى وسىلاي اياقتالعانىنا ريزامىن. ەندى ءتورت ادامدىق جارىستا بارىمدى سالامىن. قولداۋلارىڭىزعا راحمەت! بۇل جەڭىسىمدى بارشا قازاقستان حالقىنا جانە دەنيس تەننىڭ رۋحىنا ارنايمىن»، - دەدى كلينوۆا.
