استانادا «جەر ساعاتى - 2018» حالىقارالىق اكسياسى وتەدى
«جاسىل ەكونوميكا» جانە G- Global-دى دامىتۋ كواليتسياسى» باسپا ءسوز قىزمەتىنىڭ مالىمەتىنشە، ساعات 20:30-دا ءبىر مەزەتتە بەيبىتشىلىك پەن كەلىسىم سارايىنىڭ، تاۋەلسىزدىك سارايىنىڭ، استانا تسيركىنىڭ، «الجير» مۇراجايلى- مەموريالدى كەشەنىنىڭ، «استانا - بايتەرەك» مونۋمەنتىنىڭ، «MEGA Silk Way» س و س و، «سارىارقا» س و س و، نازاربايەۆ ۋنيۆەرسيتەتىنىڭ، سەيفۋللين اتىنداعى ق ا ت ۋ باس عيماراتىنىڭ، «الاۋ» مۇزايدىنى سارايىنىڭ، م. گوركي اتىنداعى ورىس دراما تەاتورىنىڭ، ق. قۋانىشبايەۆ اتىنداعى قازاق دراما تەاترىنىڭ جانە باسقا دا عيماراتتار مەن ەسكەرتكىشتەردىڭ جارىقتارى 1 ساعاتقا وشىرىلەدى.
2018 -جىلى اكسيا «جەرمەن بايلانىستا بول» تاقىرىبىندا وتەدى. وسىعان دەيىن وتكەن شارالار ءقاۋىپسىز ازىق- تۇلىك ونىمدەرىمەن، عالامدىق جىلىنۋ جانە ەكولوگيالىق سانا-سەزىممەن بايلانىستى بولدى.
«جەر ساعاتى» - بۇل عالامشارداعى ەڭ اۋقىمدى ەكولوگيالىق اكسيا. وعان بۇكىل الەم بويىنشا 2 ميلليارد استام ادام قاتىسىپ، 175 ەلدىڭ 7000 قالاسىنان تۇرعىندار قوسىلادى. اعىمداعى جىلى قازاقستاننىڭ بارلىق ايماقتارى جىلدىڭ ەڭ اۋقىمدى ەكولوگيالىق وقيعاسىنا قاتىسادى. الماتى قالاسىندا «كوك توبە» تەلەمۇناراسى مەن قالا اكىمدىگىنىڭ جارىقتاندىرىلۋى وشىرىلەدى. اكسيانى اقمولا، الماتى، قاراعاندى، قوستاناي، شىعىس قازاقستان، جامبىل، باتىس قازاقستان، قىزىلوردا، ماڭعىستاۋ، پاۆلودار، وڭتۇستىك قازاقستان وبلىستارى قولداپ وتىر.
