09:16, 09 - اقپان 2018 | GMT +5
وليمپيادا-2018: يۋليا گالىشەۆا فينالعا ءوتتى
استانا. قازاقپارات - قازاقستاندىق فريستايلشى يۋليا گالىشەۆا وڭتۇستىك كورەيانىڭ پحەنچحان قالاسىنداعى وليمپيادا ويىندارىندا جارىسىن باستادى، دەپ حابارلايدى Sports.kz.
يۋليا گالىشەۆا 76,36 ۇپايمەن جەتىنشى ورىندى يەلەنىپ، فينالعا تىكەلەي جولداما الدى. ىرىكتەۋ سايىسىندا فرانسۋزدىق پەررين لاففونت 79,72 ۇپايمەن توپ جاردى.
قازاقستاننىڭ نامىسىن قورعاپ جۇرگەن 16 جاستاعى اياۋلىم امرەنوۆا 52,78 كورسەتكىشپەن 26- ورىندى يەلەنىپ، فينالعا وتە المادى.
ايەلدەر اراسىندا موگۋلدىڭ فينالى 11 -اقپاندا وتەدى. باستالۋى استانا ۋاقىتىمەن ساعات 18:00-دە.
فوتو: دانيار مايلىبايەۆ
