قازاقستان مەن وزبەكستان اراسىندا 2018 -جىلى بىرنەشە اۋە رەيسى اشىلماق
بۇل تۋرالى UZREPORT TV تەلەارناسىنا سۇحبات بەرگەن قازاقستان رەسپۋبليكاسىنىڭ وزبەكستانداعى توتەنشە جانە وكىلەتتى ەلشىسى ەرىك وتەمبايەۆ اتاپ ءوتتى، دەپ حابارلايدى «قازاقپارات» ح ا ءا ءتىلشىسى.
قازاقستان ەلشىسى ءوز سوزىندە قازاقستان مەن وزبەكستان مەملەكەتتەرىن 2018 -جىلى قانداي جاڭالىقتار كۇتىپ تۇرعانىن ايتىپ بەردى.
«ءبىز اۋە گەوگرافياسى ۋاقىت وتە كەلە كەڭەيەر دەگەن سەنىمدەمىز. ناقتىراق ايتقاندا، اسىرەسە تۋريستىك باعىتتا وتە تابىستى بولار دەگەن ۇمىتپەن الماتى - بۇحارا، الماتى - حيۋا جانە الماتى- سامارقان رەيستەرىن اشۋ كوزدەلۋدە» ، - دەيدى ەرىك وتەمبايەۆ.
ديپلومات ءوز سوزىندە ينفراقۇرىلىمدىق مۇمكىندىكتەردىڭ جولىن اشۋ ارقىلى ەكى مەملەكەتكە تۋريستەر كوپتەپ اعىلۋى مۇمكىن ەكەنىن جەتكىزدى.
«قازىرگى ۋاقىتتا شىمكەنت پەن تاشكەنت شاھارلارى اراسىندا تىكەلەي اۆتوبۋس باعدارى بولۋى ءۇشىن جۇمىس جۇرگىزىپ جاتىرمىز. 2018 -جىلى تۋريستىك مۇمكىندىكتەر كوپتەپ اشىلار دەگەن سەنىمدەمىن» ، - دەيدى ەرىك وتەمبايەۆ.
