10:20, 17 - جەلتوقسان 2017 | GMT +6
قازاقستان مەن وزبەكستان 2018-جىلى دەماركاتسيا بويىنشا دالالىق جۇمىستاردى جۇرگىزەدى
تاشكەنت. قازاقپارات - قازاقستان مەن وزبەكستان 2018-جىلى دەماركاتسيا بويىنشا دالالىق جۇمىستاردى جۇرگىزۋگە ءوزارا كەلىستى، دەپ حابارلايدى قازاقپاراتتىڭ مەنشىكتى ءتىلشىسى وزبەكستان س ءى م- ءنىڭ باسپا ءسوز قىزمەتىنە سىلتەمە جاساپ.
شەشىم تاشكەنتتەگى وزبەك-قازاقستاننىڭ بىرلەسكەن دەماركاتسيالىق كوميسسياسىنىڭ 11-15 جەلتوقسانداعى جۇمىس توبىنىڭ كەزدەسۋىندە قابىلداندى.
تاراپتار كەلىسسوزدەر بارىسىندا وزبەك-قازاقستاندىق مەملەكەتتىك شەكارانى دەماركاتسيالاۋ جونىندەگى قورىتىندى قۇجاتتار بويىنشا جۇمىستاردى جالعاستىردى.
«سونداي-اق، تاراپتار پىكىر الماسىپ جانە 2018-جىلى دەماركاتسيا بويىنشا دالالىق جۇمىستاردى جۇرگىزۋدى ۇيىمداستىرۋ ماسەلەلەرىن شەشۋگە كەلىستى»، - دەلىنگەن كورشى ەلدىڭ س ءى م تاراتقان حابارلاماسىندا.
كەزدەسۋ كونسترۋكتيۆتى جانە دوستاستىق جاعدايىندا ءوتتى.
