قايرات بورانبايەۆ 2018-جىلعى قىسقى وليمپيادا ويىندارىنىڭ الاۋىن الىپ ءجۇردى - كەسكىن
ق ر ۇلتتىق پاراليمپيادا كوميتەتىنىڭ پرەزيدەنتى قايرات بورانبايەۆتىڭ كانديداتۋراسى پحەنچحانداعى ۇيىمداستىرۋ كوميتەتىمەن بەكىتىلدى.
قازاقستاندىق سپورتشى الاۋدى چەدجۋ قالاسىندا الىپ ءوتتى.
«وسىنداي ءدۇبىرلى دودادا قازاقستاننىڭ اتىنان شىعۋ مەن ءۇشىن مارتەبە. وليمپيادا ويىندارىنا بۇكىل الەم كوز تىگىپ وتىر. پاراليمپيالىق سپورت وليمپيالىق سپورتقا ماڭىزى جاعىنان تەڭەلگەنى قۋانتادى. قازاقستاندا دا پاراليمپيالىق سپورتقا دەگەن قىزىعۋشىلىق ارتىپ كەلەدى. الاۋدى الىپ جۇرۋگە ۇلتتىق پاراليمپيادا كوميتەتىنىڭ پرەزيدەنتى رەتىندە مەنىڭ شاقىرىلعانىمنىڭ ءوزى وسىعان ۇلكەن دالەل. بارلىق سپورتشىلارعا جەڭىس تىلەيمىن»، - دەدى قايرات بورانبايەۆ.
ايتا كەتۋ كەرەك، 24- قازاندا افينى قالاسىندا 2018-جىلى پحەنچحاندا وتەتىن وليمپيادانىڭ الاۋى سالتاناتتى تۇردە كارىس دەلەگاتسياسىنا تاپسىرىلدى. الاۋ قازىر وڭتۇستىك كورەيانىڭ ينچحون قالاسىنا جەتكىزىلدى. وڭتۇستىك كورەيادا وسىمەن ەكىنشى رەت وليمپيادا ويىندارى ءوتىپ جاتىر. 1988-جىلى جازعى وليمپيادا ويىندارى سەۋلدە وتكەن بولاتىن.
