وليمپيادا-2018: بۇگىن قازاقستاندىق 3 بوكسشى التىن ءۇشىن ايقاسادى

None
None
استانا. قازاقپارات - بۇگىن قازاقستاندىق ءۇش بوكسشى بۋەنوس-ايرەستە ءوتىپ جاتقان جاس وسپىرىمدەر وليمپياداسىندا فينالدىق جەكپە-جەكتەرىن وتكىزەدى، دەپ حابارلايدى قازاقپارات ءتىلشىسى.

اقتىق سىنعا تالعات شايكەن (64 كەلى)، ايبەك ورالباي (91 كەلى) جانە دامير تويباي (+91) شىققانىن حابارلاعان ەدىك.

بوكسشىلارىمىزدىڭ قارسىلاستارى دا بەلگىلى بولدى. تالعات شايكەن فينالدا رەسەيلىك يليا پوپوۆپەن قولعاپ تۇيىستىرسە، ايبەك ورالباي الجيرلىك موحاممەد حاديسكە قارسى شىعادى. ال اسا اۋىر سالماقتاعى سپورتشىمىز دامير تويباي اككى قارسىلاس، بۇعان دەيىن دە شارشى الاڭدا كەزدەسكەن رەسەيلىك الەكسەي درونوۆپەن جۇدىرىقتاسادى. وتانداسىمىز الەم چەمپيوناتىندا ا. درونوۆقا جول بەرىپ، كۇمىس جۇلدەگەر اتانعان بولاتىن. بۇل ناعىز ەسە قايتاراتىن ءسات ەكەنى داۋسىز.

سونداي-اق بۇگىن ايەلدەر اراسىندا ەل نامىسىن قورعاپ جاتقان نادەجدا ريابەتس تە شارشى الاڭعا شىعىپ، الجيرلىك بوكسشىمەن قولا مەدال ءۇشىن سىنعا تۇسەدى.

جەكپە-جەك استانا ۋاقىتىمەن تامىزدىڭ 17 سىنەن 18 ىنە قاراعان تۇنگى، ساعات 00:00 دە باستالادى.

ايتا كەتەيىك، جاس وسپىرىمدەر وليمپياداسىنىڭ 17 -قازان كۇنگى جارىس كەستەسىنە ساي بۇگىن، سونداي-اق ۆەلوسپورتتان (ەرلەر مەن ايەلدەر، كەشەندى جارىس، كريتەريۋم) فينالدىق سايىستار وتەدى. ەل نامىسىن ە. فەدوروۆ، گ. برۋسەنسكي، م. كۋرنوسوۆا، س. پاشەنكو قورعايدى. باستالۋى - استانا ۋاقىتىمەن ساعات 20.00 دە.

بۋەنوس-ايرەس استاناسى ارگەنتينادا 3-جازعى جاس وسپىرىمدەر وليمپياداسى 6-18- قازان ارالىعىندا وتەدى. وعان 206 مەملەكەتتەن 4 مىڭ سپورتشى قاتىسۋدا. جارىستار باعدارلاماسىنا سپورتتىڭ ءداستۇرلى 28 تۇرىنەن بولەك، سپورتتىق بيلەر (برەيك-دانس)، كاراتە، تاۋعا ورمەلەۋ، روليكپەن سىرعاناۋ قوسىلىپ وتىر.

بايراقتى دودادا ەل نامىسىن 58 سپورتشى قورعاۋدا.

اۆتور: كۇنسۇلتان وتارباي

 

سوڭعى جاڭالىقتار