شەتەلدىك سايت 2018 -جىلى قايتىس بولاتىن 17 تانىمالدىڭ ەسىمىن جاريالادى

استانا. قازاقپارات - The DeathList سايتى 1987 -جىلدان باستاپ جۇمىس ىستەيدى. اتالعان باق قۇراى جىل سايىن قايتىس بولاتىن تانىمال ادامدار ءتىزىمىن جاسايدى.

بۇل تۋرالى Life.ru-عا سىلتەمە جاساپ Stan.kz حابارلايدى.

DeathList-تىڭ باستى شارتى - تىزىمدەگى ادام مىندەتتى تۇردە تانىمال بولۋى ءتيىس. بولجام ورىندالماعان جاعدايدا، بيىل ءتىرى قالعان تەك 25 ادامدى كەلەسى جىلدىڭ تىزىمىنە كىرگىزۋگە بولادى.

اتالعان سايت 2017 -جىلى اتىشۋلى Playboy جۋرنالىنىڭ نەگىزىن قالاعان حيۋ حەفنەر، تەلەۆيدەنيەنىڭ اڭىزىنا اينالعان بريۋس فورسايت، اكتريسا ليز راسسن، كىسى ءولتىرۋشى يەن برەيدي، ءانشى فاتس دومينو، بوكسشى دجەيك لاموت پەن ت. ب. تانىمال تۇلعالاردىڭ ءولىمىن بولجاعان.

ال 2016 -جىلى ب ا ق قۇرالى 12 ادامنىڭ ءولىمىن ءدال تاپقان: دەۆيد بوۋي، مۋحامماد الي، ۆيكتوريا ۆۋد، الان ريكمان، سەر تەرري ۆوگان، رونني كوربەتت، پرينتس، دجوردج مايكل، كەرري فيشەر، كەرولاين اەرن، دجين ۋايلدەر.

ال 2018 -جىلعى تىزىمگە 50 تانىمال تۇلعانىڭ ەسىمى كىردى.

اكتەر كيرك دۋگلاس (102 جاس) ، پاتشايىم II ەليزاۆەتانىڭ كۇيەۋى حانزادا فيليپپ (97 جاس)، امەريكالىق ساياساتكەر دجون ماككەين (82 جاس)، مودەلەر پەر كاردەن (96 جاس)، كوميكستى ويلاپ تاپقان ستەن لي (96 جاس)، ا ق ش- تىڭ ەكس- پرەزيدەنتى دجيممي كارتەر (94 جاس)، ديكتاتور روبەرت مۋگابە (94 جاس)، ا ق ش- تىڭ ەكس-پرەزيدەنتى دجوردج بۋش، ءانشى شارل ازناۆۋر (94 جاس)، امەريكالىق ساياساتكەر گەنري كەسسيندجەر (95 جاس)، بۇرىنعى ريم پاپاسى بەنەديكت XVI (91 جاس)، مىسىردىڭ ەكس- پرەزيدەنتى حوسني مۇباراك (90 جاس)، اكتەر شون كوننەري (88 جاس)، عالىم ستيۆەن حوككينگ (76 جاس) جانە مۋزىكانت «رولينگ ستوۋنز» رونني ۆۋد (71 جاس).

ايتا كەتەيىك، اتالعان تىزىمدە نەگىزىنەن جاسى كەلگەن ازاماتتار.