17:00, 01 - قىركۇيەك 2018 | GMT +5
ازيادا-2018: قۇرىشبايەۆا قازاقستانعا 14- «التىندى» الىپ بەردى
استانا. قازاقپارات - سامبوشى ءدىلداش قۇرىشبايەۆا يندونەزيادا ءوتىپ جاتقان ازيا ويىندارىندا قازاقستان قورجىنىنا 14- التىن مەدالدى اكەلدى، دەپ حابارلايدى «SPORTINFORM».
68 كەلىگە دەيىنگى سالماق دارەجەسىندەگى قازاقستاندىق وزبەكستان وكىلىن 3:0 ەسەبىمەن جەڭىپ شىقتى. ەسكە سالايىق، بۇعان دەيىن قازاقستاندىق سامبوشى الىبەك زەكەنوۆ قولا مەدال ءۇشىن وتكەن ايقاستا وتانداسىمىز ايبول ايتبەكتەن باسىم تۇسكەن ەدى.
وسىلايشا، قازاقستاننىڭ قورجىنى تاعى ءبىر مەدالمەن تولىقتى. قازىرگى تاڭدا وتاندىق سپورتشىلار 14 التىن، 16 كۇمىس جانە 43 قولا يەلەنىپ وتىر. 2018 -جىلعى ازيا ويىندارىنىڭ مەدالدىق ەسەبىندە ەلىمىزدىڭ اتلەتتەرى 9- ورىنعا تابان تىرەدى.
