گۇلميرا ساتىبالدى ۋنيۆەرتسيادا-2017 نىساندارى قاراجاتىن ۇرلادى دەگەن كۇدىككە ءىلىندى

نۇر- سۇلتان. قازاقپارات - الماتى قالاسى بويىنشا سىبايلاس جەمقورلىققا قارسى قىزمەت وسى رەتتە مەملەكەتتىك ورگانداردىڭ لاۋازىمدى تۇلعالارىنا دا قاتىستى تەرگەۋ جۇرگىزىپ جاتىر.
None
None

«الماتى قالاسىنىڭ ەنەرگەتيكا جانە كوممۋنالدىق شارۋاشىلىق باسقارماسى» ك م م لاۋازىمدى تۇلعالارى مەن «اريا- جاڭا استانا» ج ش س كومپانيا باسشىلىعىنا قاتىستى، ونىڭ ىشىندە گۇلميرا ساتىبالدىعا قاتىستى 2019 - جىلى «الماتى قالاسىنداعى 2017 - جىلعى ۋنيۆەرتسيادا» نىساندارى قۇرىلىس- مونتاج جۇمىستارىنىڭ ناقتى ورىندالماعان مىندەتتەرى ءۇشىن تولەنگەن اسا ءىرى مولشەردە بيۋدجەت قاراجاتىن جىمقىرۋ فاكتىسى بويىنشا سوتقا دەيىنگى تەرگەۋ جۇرگىزىلىپ جاتىر» دەلىنگەن اگەنتتىك تاراتقان حابارلامادا.

وسىعان ۇقساس اسا ءىرى كولەمدەگى بيۋدجەت قاراجاتىن جىمقىرۋ فاكتىلەرى بويىنشا مەملەكەتتىك ورگانداردىڭ لاۋازىمدى تۇلعالارى مەن «اريا- جاڭا استانا» ج ش س باسشىلىعىنىڭ قاتىسۋىمەن باسقا وڭىرلەردە سوتقا دەيىنگى تەرگەپ- تەكسەرۋلەر جۇرگىزىلىپ جاتىر. وزگە اقپارات تەرگەۋ مۇددەسىندە جاريا ەتۋگە جاتپايدى.

ەسكە سالا كەتەيىك، گۇلميرا ساتىبالدى 747 ميلليون تەڭگە بيۋدجەت قاراجاتىن جىمقىرۋ فاكتىسى بويىنشا تەرگەۋگە الىنعان.


سوڭعى جاڭالىقتار