ەكسپو-2017 تاجىريبەسى ءابۋ-دابيدەگى ساميتتە ۇسىنىلدى
«ءابۋ-دابي قالاسىندا قاڭتاردىڭ 15 مەن 18 ارالىعىندا XI دۇنيەجۇزىلىك «بولاشاقتىڭ ەنەرگياسى» سامميتى وتۋدە. اۋقىمدى شاراعا 26 مىڭنان استام ادام قاتىسىپ، 20 ەلدىڭ پاۆيلونى مەن 650 كومپانيالار ەكسپونەنتى ۇسىنىلدى. سامميت جۇمىسىنا ق ر ەنەرگەتيكا ءمينيسترى قانات بوزىمبايەۆ پەن «استانا ەكسپو-2017» ۇ ك» ا ق باسقارما ءتوراعاسى ەربول شورمانوۆ قاتىستى. كورمەدە «استانا ەكسپو-2017» كومپانياسى ۇيىمداستىرعان جالپى اۋماعى 195 شارشى مەتردى قۇرايتىن قازاقستان پاۆيلونى ۇسىنىلعان»، - دەپ اتاپ وتىلگەن تاراتىلعان مالىمەتتە.
«پاۆيلوندا ەلىمىزدە ىسكە اسىرىلىپ جاتقان، سونىڭ ىشىندە «سيفرلىق قازاقستان» مەملەكەتتىك باعدارلاماسى، «استانا» حالىقارالىق قارجى ورتالىعى، سونداي-اق جاڭعىرتىلاتىن ەنەرگيا كوزدەرى سالاسىنداعى جوبالار مەن كولىك-لوگيستيكالىق ينفراقۇرىلىم سالاسىنداعى ءبىرقاتار اۋقىمدى جوبالار قويىلعان»، - دەدى ە. شورمانوۆ.
«استانا ەكسپو-2017» ۇ ك» ا ق سامميتكە جىل سايىن قاتىسىپ كەلەدى. قازاقستان ءۇشىن بۇل بالامالى ەنەرگەتيكا سالاسىنداعى ماسەلەلەردى تالقىلايتىن الاڭ، سونداي-اق ەلىمىزگە ينۆەستيتسيالار تارتۋدا دا ماڭىزدى.
شارادا ەنەرگەتيكا سالاسىنداعى سوڭعى الەمدىك ترەندتەر مەن يننوۆاتسيالىق جوبالارمەن تانىسۋ مۇمكىندىگى بار. سونىمەن قاتار، سامميت اياسىندا جىل سايىن جاڭعىرتىلاتىن ەنەرگيا كوزدەرى جونىندەگى حالىقارالىق اگەنتتىكتىڭ اسسامبلەياسى (IRENA) جانە تۇراقتى دامۋ اپتاسى (Abu Dhabi Sustainability Week) وتىرىسى وتكىزىلۋدە.
اۆتور: رۋسلان عابباسوۆ
