داۋرەن ابايەۆ 2017 -جىلدىڭ باستى جاڭالىقتارىن اتادى
دەپ حابارلايدى «قازاقپارات» ح ا ا ءتىلشىسى.
«ەڭ ءبىرىنشى كەزەكتە، البەتتە ءىرى اۋقىمدى شارا «ەكسپو-2017» حالىقارالىق كورمەسىنىڭ وتكىزىلگەنىن اتاپ ءوتۋ كەرەك. ول جايلى كوپ ايتىلعاندىقتان، مەن قايتالاماي- اق قويايىن. بۇل وتە ايتۋلى وقيعا. ەكسپو اياسىندا ءبىز 6 مىڭعا جۋىق شارا وتكىزدىك. بۇل تۇرعىدا كورمە كەزىندە ۇيىمداستىرىلعان بۇقارالىق- مادەني شارالاردى ەستە قالدىرۋمەن قاتار، ەكسپو- نىڭ ينفراقۇرىلىمدىق مۇرا قالدىرعانىن ەستەن شىعارماۋ كەرەك. بۇل - جاڭا اۋەجاي، جاڭا ۆوكزال، قالاداعى بارلىق لوگيستيكا... قانشاما مەيرامحانالار مەن قوناق ۇيلەر اشىلدى. وسىنىڭ ءبارى قاتتى قۋانتادى»، - دەدى داۋرەن ابايەۆ «حابار» ارناسىنداعى «اشىق ديالوگ» باعدارلاماسىندا.
ءمينيستردىڭ ايتۋىنشا، كورمە كەزىندە كوپتەگەن كاسىپورىندار اشىلسا، بۇرىننان بارلارى قوماقتى قاراجات تاپقان.
«استانا قالاسىنىڭ قىزمەت كورسەتۋ سالاسى ءبىر جارىم ەسەگە ءوستى. بۇل وتە جاعىمدى جاڭالىقتاردان حابار بەرىپ، ەڭ باستىسى ادامداردىڭ زور تاجىريبە جيناقتاپ، وسىنداي ءىرى ءارى اۋقىمدى شارانى وتكىزۋدى ۇيرەنگەنىن كورسەتەدى. ياعني، ادامدار ادەتتە ءبىر نەمەسە ەكى كۇن وتەتىن فورۋمداردى عانا ەمەس، 3 اي بويى وتەتىن شارانى ءساتتى وتكىزۋدى ۇيرەندى»، - دەيدى ول.
داۋرەن ابايەۆ سونىمەن بىرگە، ساياسي تۇرعىدا جىلدىڭ ەڭ ايتۋلى جاڭالىعى قانداي ەكەنىن ايتىپ بەردى.
«مەن ءۇشىن ساياسي تۇرعىدا جىلدىڭ ەڭ باستى جاڭالىعى - مەملەكەت باسشىسىنىڭ باستاماسىمەن قولعا الىنعان ساياسي جانە كونستيتۋتسيالىق رەفورما. ويلاپ قاراساڭىز، بيلىكتىڭ 35 وكىلەتتىلىگىن پرەزيدەنت پارلامەنت پەن ۇكىمەتكە تاپسىردى. بۇل مەملەكەت باسشىسىنىڭ ويلى ءارى قۋاتتى ۇستانىمىن تاعى ءبىر مارتە دالەلدەي تۇسەدى. ءبىز قازىرگى ۋاقىتتا كوپتەگەن مەملەكەتتەردە بۇل پروتسەستەر كەرىسىنشە كەرى كەتىپ بارا جاتقانىن كورىپ وتىرمىز. ياعني، ادامدار بيلىكتىڭ وكىلەتتىلىگىن وزدەرى يەلەنىپ جاتقان جاعدايلار جەتەرلىك. وسى تۇرعىدا بىرەگەي وقيعالاردىڭ ءبىرى بيىل بولعانىن اتاپ ءوتۋىمىز كەرەك»، - دەيدى مينيستر.
داۋرەن ابايەۆتىڭ ايتۋىنشا، ساياسي تۇرعىداعى بۇل وزگەرىس قازاقستاننىڭ قانداي باعىتتا جىلجىپ بارا جاتقانىن كورسەتەتىنى بەلگى.
«ءبىز قوعامدى دەموكراتيالاندىرۋ جولىمەن، پروتسەستەردىڭ، سونىڭ ىشىندە ساياسي پروتسەستەردىڭ بىرتىندەپ باساتىن ەۆوليۋتسياسى جولىمەن بارا جاتىرمىز. بۇل بيلىكتىڭ بارلىق تارماعىنا زور جاۋاپكەرشىلىك جۇكتەيدى. بۇل وقيعا ءوزىنىڭ لايىقتى باعاسىن الادى»، - دەيدى مينيستر.
ول سونىمەن قاتار، جىلدىڭ ايتۋلى جاڭالىقتارىنىڭ قاتارىنا جاڭعىرتۋ 3.0 باعىتىن قوستى.
«بۇل قازىردىڭ وزىندە جەمىسىن بەرىپ جاتقان ەكونوميكالىق رەفورمالاردىڭ تىزبەگى. ۇكىمەت جىلدىڭ سوڭىندا ەسەپ بەرىپ وتىرادى. ەلىمىزدە ىشكى جالپى ءونىمنىڭ كولەمى ارتىپ كەلەدى. بۇل تەك قانا مەملەكەت ءۇشىن عانا ەمەس، تۇرعىندار مەن ينۆەستورلار ءۇشىن دە جاقسى سيگنال. بۇل ءبىزدىڭ دۇرىس باعىتتا كەلە جاتقانىمىزدى كورسەتەدى»، - دەدى مينيستر.
داۋرەن ابايەۆ، سونداي- اق، قازاقستاننىڭ ب ۇ ۇ قاۋىپسىزدىك كەڭەسىندە تۇراقتى ەمەس مۇشە رەتىندە جۇمىس ىستەپ جاتقانىن دا باعالاپ ءوتتى.
«ءبىز بۇكىل الەمنىڭ قاۋىپسىزدىگىنە ۇلەسىمىزدى قوسىپ كەلەمىز. ماڭىزى الدىڭعىلاردان كەم تۇسپەس جاڭالىقتاردىڭ ءبىرى - قازاقستان مەن مەملەكەت باسشىسىنىڭ بىتىمگەرلىك جولىنداعى باستاماسى. ول - استانا پروتسەسى. سيريا ماسەلەسى سەكىلدى وزەكتى ىسكە كەلگەندە استانانىڭ بىتىمگەرشىلىكتىڭ ورتالىعىنا اينالۋى - ديپلوماتيامەن اينالىساتىن ادامداردىڭ ناقتى كاسىبي تۇرعىدا باعاسىن الادى. مەنىڭ اتاپ وتەر نەگىزگى دەگەن جاڭالىقتارىم وسى. ءار سالادا ايتۋلى جاڭالىق بار. فۋتبول جانكۇيەرى رەتىندە كۇزگى ەۋروپالىق كەزەڭنەن ءساتتى وتكەنىمىز مەنى قۋانتادى. مەن وسى ءساتتى پايدالانا وتىرىپ، بۇكىل قازاقستاندىقتارعا كەرەمەت سىي جاساعان «استانا» فۋتبول كلۋبىنا العىس بىلدىرگىم كەلەدى»، - دەيدى مينيستر.
داۋرەن ابايەۆ «استانا» فۋتبول كلۋبىنا كەلگەندە ءبىر عانا سانعا ءمان بەرۋدى ەرەكشە اتاپ ءوتتى.
«ۇمىتپاسام، بىرنەشە ماۋسىم بۇرىن «استانا» فۋتبول كلۋبى 450- ورىندا تۇرعان ەدى. ال قازىر شامامەن 63- ورىندا. دەمەك، از عانا ۋاقىتتىڭ ىشىندە «استانا» 300-گە جۋىق باسپالداقتى اتتاپ ءوتتى. بۇل شىنىندا دا، قوشەمەت پەن ماقتاۋعا لايىق كورسەتكىش»، - دەپ ءتۇيدى ءسوزىن مينيستر.
اۆتور: ايان بەكەن ۇلى
