فۋتبول: قازاقستاننىڭ 2017-جىلعى چەمپيوناتى قورىتىندىلاندى
تارتىستى وتكەن قورىتىندى 33-تۋردا ەكى بىردەي ورتالىق كەزدەسۋدىڭ كۋاسى بولدىق.
«استانا ارەنادا» «اقجايىقتى» جەڭگەن «استانا» قاتارىنان ءتورتىنشى جىل قاتارىنان قازاقستان چەمپيونى بولدى.
ال الماتىنىڭ «قايراتى» «اقتوبە» كومانداسىن ۇتىپ، ەكىنشى ورىندا قالدى. كەلەر جىلعى ەۋروپا ليگاسىنىڭ ىرىكتەۋ كەزەڭىنە بەرىلەتىن جولداماعا تالاسقان «ەرتىس» پەن «توبىل» دا ءۇش ۇپايدان ەنشىلەدى.
پاۆلودارلىقتار قاراعاندىنىڭ «شاحتەرىن» 1:0، ال قوستانايدىڭ «توبىلى» «اتىراۋدى» 2:0 ەسەبىمەن جەڭدى.
48 ۇپاي جيناعان «ەرتىس» كەلەر جىلى جازدا ەۋروكۋبوكتارعا قاتىساتىن بولدى. ال قوستانايلىقتار 47 ۇپايمەن 5-ورىندى يەلەندى. «ورداباسى» دا ءوز الاڭىندا كەزەكتى ءۇش ۇپايىن الدى، بۇل جولى شىمكەنتتىكتەرگە «وقجەتپەس» 3:2 ەسەبىمەن جەڭىلدى.
58 ۇپايمەن «ورداباسى» ءۇشىنشى ورىنعا تۇراقتادى.
«تارازعا» قوناققا بارعان قىزىلوردانىڭ «قايسارى» 0:1 ەسەبىمەن جەڭىپ، 42 ۇپايمەن التىنشى ورىندى يەلەندى.
تۋرنير كەستەسىنىڭ قالعان ورىندارى تومەندەگىشە قورىتىندىلاندى:
7. «شاحتەر» - 40 ۇپاي؛
8. «اتىراۋ» - 35 ۇپاي؛
9. «اقتوبە» - 33 ۇپاي؛
10. «اقجايىق» - 30 ۇپاي؛
11. «تاراز» - 26 ۇپاي؛
12. «وقجەتپەس» - 24 ۇپاي.
