ارميالىق اۆياتسيا ۇشقىشتارى 2017 -جىلعى قورىتىندى تەكسەرىستى تاپسىرۋدا - فوتو
بۇل تۋرالى ق ر قورعانىس مينيسترلىگىنىڭ باسپا ءسوز قىزمەتى حابارلادى.
اۆياتسيانىڭ جاۋىنگەرلىك ازىرلىگىنىڭ شىنايى جاي- كۇيىن انىقتاۋ ءۇشىن ق ر ق ك ا ق ك ءا ءا ك 53975، 30153, 54865 اسكەري بولىمدەرى ارميالىق اۆياتسياسىنىڭ ءبىر- ءبىر ەسكادريلياسى دابىل بەلگىسى بويىنشا كوتەرىلدى.
تەكسەرۋ بارىسىندا ۇشۋ قۇرامى پيلوتاجداۋ ماشىعى، نىساناعا ءدوپ شىعۋ شەبەرلىگى، شارتتى قارسىلاستى جويۋ، سونداي- اق جاۋىنگەرلىك قولدانۋعا ۇشۋلاردى ورىنداۋ بويىنشا باعالاندى. «قازاقستان» پوليگونىندا UH1-II حيۋي تۇنگى كورۋ اۆياتسيالىق كوزىلدىرىكتەرىن قولدانا وتىرىپ، دەسانتتى شىعارۋمەن جەردى بارلاۋدى ورىندادى. اۆياتسيالىق كوزاينەكتەر شەكتەۋلى كورىنۋدىڭ تۇنگى جاعدايلارىندا تىكۇشاقتى باسقارۋ ءۇشىن ارنايى دايىندالعان. اۆياتسيالىق قارۋ- جاراقتى جاۋىنگەرلىك قولدانۋدى قوسا ەسەپتەگەندە، ۇشۋدى، قونۋدى جانە وزگە دە وپەراتسيالاردى قامتاماسىز ەتۋگە مۇمكىندىك بەرەدى. مۇنداي جاعدايلارداعى پيلوتاج ۇشۋ قۇرامىن دايىنداۋدىڭ كۇردەلى ەلەمەنتتەرىنىڭ ءبىرى بولىپ تابىلادى. ارميالىق اۆياتسيا ۇشقىشتارى باسقارىلمايتىن اۆياتسيالىق زىمىرانداردىڭ ىسكە قوسىلۋىن جۇزەگە اسىردى.
ءاربىر زىمىران، بومبا جانە سنارياد ءوز مەجەسىنە قول جەتكىزدى، شارتتى قارسىلاس جويىلدى. ۇشۋ قۇرامى تاپسىرمانى «ۇزدىك» دەگەن باعاعا ورىندادى. سونىمەن بىرگە، مي-17 تىكۇشاقتارىنىڭ ەكيپاجدارى كۇندىزگى جانە تۇنگى جاعدايلاردا ۇشۋلاردى ورىندادى. جارىقشاقتى- فۋگاستى اۆياتسيالىق بومبالارمەن كوزدەپ بومبا لاقتىرۋ ورىندالدى، باسقارىلمايتىن اۆياتسيالىق زىمىرانداردىڭ ىسكە قوسىلۋى ىسكە اسىرىلدى، سونداي- اق اتىس- زەڭبىرەكتىك قارۋ- جاراق قولدانىلدى. سونىمەن قاتار كوميسسيا جاۋىنگەرلىك كەزەكشىلىكتىڭ اتقارىلۋىنىڭ ۇيىمداستىرىلۋىن، جاۋىنگەرلىك دايارلىقتى، ۇشۋلاردىڭ جەرءۇستى قامتاماسىز ەتىلۋىن، ماتەريالدىق- تەحنيكالىق قامتاماسىز ەتىلۋىن، ينجەنەرلىك- تەحنيكالىق قۇرام مەن بايلانىس ماماندارىنىڭ جۇمىسىن تەكسەردى. قورىتىندى تەكسەرىس كورسەتىلگەن بولىمشەلەردىڭ ۇشۋ قۇرامى جاۋىنگەرلىك تاپسىرمالاردى ورىنداۋ ءۇشىن ءازىر جانە مەملەكەتتىڭ اۋە شەپتەرىن كۇزەتۋ جونىندەگى قويىلعان تاپسىرمالاردى ورىنداي الاتىنىن كورسەتتى.
