اشحاباد-2017: قازاقستان سپورتشىلارى وزبەكتەردى باسىپ وزدى

ەستەرىڭىزگە سالا كەتەيىك، وسىدان بىرەر ساعات بۇرىن وزبەكستان سپورتشىلارى مەن قازاقستان سپورتشىلارى التىن مەدالدار سانى جاعىنانتەڭەسكەنىن حابارلاعان بولاتىنبىز.
مىنە، كوپ ۇزاماي قازاق سپورتشىلارى ەل قورجىنىنا تاعى ەكى التىن مەدال سالىپ، ۇزدىك ءتورتىنشى ورىننان وزبەكتەردى بەسىنشى ورىنعا سىرعىتتى.
قازىر قازاقستان قورجىنىندا 25 التىن، 26 كۇمىس، 33 قولا مەدال بولسا، وزبەك سپورتشىلارىندا 23 التىن، 30 كۇمىس، 67 قولا مەدال بار. ال كوش باسىندا تۇرىكمەنستان سپورتشىلارى تۇر. ولار جالپى مەدالدار سانىن 236 عا جەتكىزدى. ونىڭ 87 ءى التىن، 67 ءى كۇمىس، 82 ءسى قولا مەدال.
ەكىنشى ورىندى ەكى كۇننەن بەرى قىتاي سپورتشىلارى ۋىسىندا ۇستاپ كەلەدى. ولاردىڭ ەنشىسىندە 38 التىن، 28 كۇمىس، 23 قولا، جالپى 89 مەدالعا قول جەتكىزدى. ءۇشىنشى ورىنعا 26 التىن، 18 كۇمىس، 59 جالپى 103 مەدال يەلەنگەن يران قۇراماسى تابان تىرەدى.
ايتا كەتەيىك، اتالمىش بايراقتى دودا ەرتەڭ، ياعني 27- قىركۇيەك كۇنى ءوز مارەسىنە جەتەدى. بۇل دودادا ەل نامىسىن قورعاۋعا قازاقستاننىڭ 150 سپورتشىسى اتتانعان بولاتىن. ولار جارىستىڭ 17 تۇرىنەن سىنعا تۇسۋدە.
اۆتور: كۇنسۇلتان وتارباي