09:32, 23 - قىركۇيەك 2017 | GMT +6
قازاقستاننىڭ تەرروريزمگە قارسى كۇرەس ورتالىعى ەكسپو-2017 كورمەسىن قورىتىندىلادى
استانا. قازاقپارات - 22- قىركۇيەكتە استانادا ق ر ۇلتتىق قاۋىپسىزدىك كوميتەتىنىڭ ءتوراعاسى كارىم ءماسىموۆ تەرروريزمگە قارسى كۇرەس ورتالىعىنىڭ كەزەكتى ءماجىلىسىن وتكىزدى.
جيىنعا مەملەكەتتىك ورگانداردىڭ وكىلدەرى قاتىستى، دەپ حابارلايدى قازاقپارات ۇ ق ك- ءنىڭ باسپا ءسوز قىزمەتىنە سىلتەمە جاساپ.
ءماجىلىس بارىسىندا ۋنيۆەرسيادا مەن ەكسپو-2017 كورمەسىنىڭ قورىتىندىسى ءسوز بولدى جانە مەملەكەتتىك ورگانداردىڭ ەلدەگى ءىرى كولەمدەگى ءىس-شارالاردىڭ قاۋىپسىزدىگىن قامتاماسىز ەتۋ مۇمكىندىكتەرىن جەتىلدىرۋ ماسەلەلەرى تالقىلاندى.
سونداي-اق وندا تەرروريستىك اكت قاۋپى تونگەن جاعدايدا اتقارىلاتىن ءىس-ارەكەتتەر جونىندە تۇرعىنداردى اقپاراتتاندىرۋ جۇمىستارىنىڭ تيىمدىلىگى تۋرالى ايتىلدى.
تەرروريزمگە قارسى كۇرەس ورتالىعى ءماجىلىسىنىڭ قورىتىندىسى بويىنشا، ءتيىستى حاتتامالىق شەشىمدار قابىلداندى.
