16:26, 14 - قىركۇيەك 2017 | GMT +5
ەكسپو-2017 كورمەسىنە شىعىندالعان قارجىنىڭ ورنى تولدى - ق ر پرەزيدەنتى
استانا. قازاقپارات - «ەكسپو-2017» حالىقارالىق كورمەسى ءوزىن ءوزى تولىقتاي اقتادى.

بۇل تۋرالى بۇگىن اقوردادا وتاندىق جانە شەتەلدىك جۋرناليستەرگە سۇحبات بەرگەن ق ر پرەزيدەنتى نۇرسۇلتان نازاربايەۆ ايتتى، دەپ حابارلايدى قازاقپارات.
«شىعىندالعان اقشا وسى جەرگە كەلۋشىلەردىڭ، ساياحاتشىلاردىڭ ەسەبىنەن قازىرگى ۋاقىتتا قايتارىلدى. وسىعان دەيىن اتاپ وتكەنىمدەي، استانانىڭ بارلىق قوناق ۇيلەرى، مەيرامحانالارى، كونسەرت زالدارى مەن دۇكەندەرى تولىپ، وتە جاقسى سەرپىن الدى. استانا بيۋدجەتىنىڭ ءتۇسىمى وسى جىلدىڭ ىشىندە بىرنەشە ەسەگە ارتتى. بيزنەسمەندەر دە ءوز اقشالارىن تاپتى. مۇنىڭ بارلىعى دا ەلدىڭ قورجىنىن تولىقتىردى»، - دەدى قازاقستان پرەزيدەنتى.
اۆتور: مارلان جيەمباي