ەكسپو-2017 كەزىندە ءۇش ەرىكتىلەر وتباسى قۇرىلدى
6 -قىركۇيەك كۇنى كورمەنىڭ 100 دەن استام بەلسەندىلەرى كەلەسى كاتەگوريالار بويىنشا ماراپاتتالدى: توپ-5، «التىن ەرىكتىلەر»، تيم-كوشباسشىلار، ەڭ بەلسەندىلەر، - دەپ حابارلايدى «استانا ەكسپو-2017» ۇ ق- ىنىڭ قوعاممەن بايلانىس جونىندەگى دەپارتامەنتى.
ەڭ ۇزدىك ەرىكتىلەر بەستىگىنە ءاليا داۋرەنبەكوۆا كىرسە، «التىن ەرىكتى» - ءباتيما قۇسايىنوۆا، يتاليادان كەلگەن شەتەلدىك ەرىكتى - ماتيا دەماركي، دياس تالعات ۇلى. ولار ۇلتتىق كومپانيا باسشىسى احمەتجان ەسىموۆ پەن ءبىلىم جانە عىلىم ءمينيسترى ەرلان ساعاديەۆتىڭ اتىنان سەرتيفيكاتتار مەن ەسكەرتكىش سىيلىقتار الدى.
«ەرىكتىلەر قىزمەتى كورمەنىڭ ءساتتى وتۋىنە ءوز سەپتىگىن تيگىزدى. ەكسپو-2017 اياسىندا 8,55 مىڭ ادام ىرىكتەلىپ الىنىپ، وقىتىلدى. ولاردىڭ 5,5 مىڭى كورمە اۋماعىندا جۇمىس ىستەۋ مۇمكىندىگىنە يە بولدى. 2500 دەن استام ەرىكتىلەر استانا قالاسىنان، 900 گە جۋىعى الماتىدان جانە 1600 ى ەلىمىزدىڭ ءار وڭىرىنەن كەلگەن. سونىمەن قاتار، رەسەي، قىتاي، ا ق ش، بەلگيا، يتاليا، پولشا، موڭعوليا، قىرعىزستان جانە باسقا دا ەلدەردەن كەلگەن ەرىكتىلەر كورمە اياسىندا جۇمىس ىستەدى. ەڭ قىزىعى - ەرىكتىلەر اراسىندا ءۇش وتباسى قۇرىلدى»، - دەدى احمەتجان ەسىموۆ.
ماراپتتاۋ ءراسىمى كونسەرتتىك باعدارلاماعا ۇلاسىپ، وعان ەرىكتىلەر مەن قازاقستاندىق ەسترادا جۇلدىزدارى قاتىستى.
