ا ق ش- تىڭ پرەزيدەنتتىك دەلەگاتسياسى «ەكسپو-2017» كورمەسىنە كەلدى
«ماعان «ەكسپو-2017» كورمەسىنە ا ق ش- تىڭ پرەزيدەنتتىك دەلەگاتسياسىن باستاپ كەلۋ مارتەبەسى بەرىلدى. وسى ورايدا پرەزيدەنت ترامپتىڭ اتىنان وسى اۋقىمدى شارانى وتكىزىپ جاتقان قازاقستاندى قۇتتىقتاعىم كەلەدى. سونىمەن قاتار وسىناۋ حالىقارالىق كورمەنىڭ «بولاشاق ەنەرگياسى» تاقىرىبىندا وتكىزىلۋى وتە وزەكتى جانە ا ق ش ەنەرگەتيكا مينيسترلىگى دە بۇل باعىتقا ەرەكشە ءمان بەرىپ وتىر. وسى ساپار بارىسىندا پرەزيدەنت دونالد ترامپ ا ق ش پەن قازاقستاننىڭ اراسىنداعى قارىم-قاتىناستارعا ايرىقشا نازار اۋداراتىنىن ايتقىم كەلەدى»، - دەدى ا ق ش ەنەرگەتيكا ءمينيسترىنىڭ ورىنباسارى دەن برۋيللەتت.
بۇل تۇرعىدا ول ەكى ەل اراسىنداعى بايلانىستار رەسمي تۇلعالار مەن كومپانيالاردىڭ اراسىنداعى تىعىز ىنتىماقتاستىقتىڭ ارقاسىندا وربىگەندىگىن اتاپ ءوتتى.
«25 جىلدىڭ بارىسىندا ءبىزدىڭ قاتىناستار تەك نىعايىپ كەلەدى، اسىرەسە ەنەرگەتيكا مەن يادرولىق قارۋدى تاراتپاۋ سالالارىندا ءوزارا تۇسىنىستىك كۇشەيدى. امەريكا قۇراما شتاتتارى قازاقستاندى ورتالىق ازياداعى ماڭىزدى سەرىكتەسى دەپ باعالايدى»، - دەدى برۋيللەتت.
وسى ورايدا ول ەكى مەملەكەت اراسىندا ەنەرگەتيكا سالاسىنداعى ىنتىماقتاستىق بويىنشا ەلەۋلى جەتىستىكتەرگە قول جەتكىزىلگەنىن، سونداي-اق الداعى ۋاقىتتا دا بۇل باعىتتاعى قاتىناستاردى جالعاستىرۋعا مۇددەلى ەكەندىكتەرىن جەتكىزدى.
«ەكسپو كورمەسى بولاشاقتاعى ەنەرگەتيكالىق پروبلەمالاردى شەشۋ ءۇشىن الداعى بۋىننىڭ عالىمدارى مەن ينجەنەرلەرىن ىنتالاندىرا تۇسەدى دەپ پايىمدايمىن. وسى سالادا الداعى جىلدارى قازاقستانمەن بىرلەسىپ جۇمىس ىستەۋگە ءازىرمىز»، - دەدى ا ق ش ەنەرگەتيكا ءمينيسترىنىڭ ورىنباسارى.
