ەكسپو-2017 كورمەسىنىڭ اشىلۋى: جۋرناليستەر اقپارات تاراتۋعا دايىن - فوتو
بۇقارالىق اقپارات قۇرالدارىنىڭ كورمە تۋرالى اقپارات تاراتۋىنا مۇمكىندىك بەرەتىن بۇل ورتالىققا قازاقستان مەن الەمنىڭ ءتۇرلى ەلدەرىنەن كەلگەن ب ا ق وكىلدەرى رەسمي اشىلۋ ءراسىمى باستالاردان التى ساعات بۇرىن، مەملەكەت جانە ۇكىمەت باسشىلارىنىڭ كورمە اۋماعىنا كەلۋىنەن بەس ساعات بۇرىن جينالدى.
ق ر سىرتقى ىستەر مينيسترلىگىنىڭ دەرەكتەرىنە سايكەس، كورمەگە 17 مەملەكەت جانە ۇكىمەت باسشىلارى كەلەدى. بۇل ۋاقىتتا جۋرناليستەر جەكە زاتتارىن جانە قۇرال-جابدىقتارىن تەكسەرۋدەن وتكىزىپ، جۇمىس ورىندارىن ازىرلەپ جانە تىكەلەي ترانسلياتسياعا كامەرالارىن دايىنداپ ۇلگەرۋى ءتيىس.
جوعارى لاۋازىمدى قوناقتاردىڭ كەلۋىنە بايلانىستى كورمە ايماعىنا كۇشەيتىلگەن قاۋىپسىزدىك رەجيمى ورناعان. ساعات 18:00 دە مەديا-ورتالىقتىڭ ەسىگى جابىلادى جانە شارا اياقتالعانشا - 23:00 گە دەيىن اشىلمايدى. ورتالىق اۋماعىنان شىعۋعا مەملەكەت باسشىلارىنىڭ ب ا ق وكىلدەرىنە عانا رۇقسات ەتىلگەن.
«بۇل مەملەكەت باسشىلارى قاتىساتىن شارالارداعى ۇيرەنشىكتى جايت، - دەيدى «روسسيا 24» تەلەارناسىنىڭ جۇرگىزۋشىسى ناتاليا ليتوۆكو.
- بۇگىن ءبىر ەمەس، 17 مەملەكەت پەن ۇكىمەت باسشىلارى كەلە جاتىر، سوندىقتان مۇنداي قاۋىپسىزدىك شارالارىنا تۇسىنىستىكپەن قارايمىن. مۇنداي شەكتەۋلەردىڭ بولاتىنىن الدىن الا ءبىلدىم جانە كەشە پاۆيلونداردى ارالاپ، وزىمە قاجەت اقپاراتتاردى الدىم. سوندىقتان، ەشقانداي قولايسىزدىق كورىپ تۇرعان جوقپىن».
رەسەيلىك تەلەجۇرگىزۋشىنىڭ ايتۋىنشا، مەديا ورتالىقتا بارلىعى جوعارى دەڭگەيدە ۇيىمداستىرىلعان. اقپاراتپەن جىلدام بولىسەتىن جۋرناليستەر ءۇشىن ساپالى ينتەرنەتكە قولجەتىمدىلىك اسا ماڭىزدى. باسپا ءسوز قىزمەتى وكىلدەرىنىڭ ايتۋىنشا، ازىرگە شامامەن 2200 گە جۋىق ب ا ق وكىلدەرى اككرەديتتەلگەن، ولاردىڭ 1639 ى قازاقستاندىق بولسا، 548 ءى - شەتەلدىكتەر. «بارلىق بەدەلدى اقپارات قۇرالدارىن شاقىرعانبىز. BBC ( ۇلىبريتانيا)، CNN (ا ق ش) سىندى كوشباسشى ارنالار كەلەدى دەپ جوسپارلانعان. Bloomberg (ا ق ش)، Washington Post (ا ق ش) وكىلدەرى «استانا ەكسپو-2017» ۇ ك» ا ق ۇيىمداستىرعان باسپا ءسوز تۋرىنا قاتىستى. ولاردىڭ بارلىعى اشىلۋعا قاتىسادى جانە ەرتەڭ حالىقارالىق پاۆيلونداردىڭ جۇمىسى تۋرالى حابار تاراتادى»، - دەدى مەديا-ورتالىق قىزمەتكەرى الەكساندر سەمەنچۋك.
اتاپ وتكەن ءجون، بۇگىن قازاقپارات حالىقارالىق اقپارات اگەنتتىگى «ەكسپو-2017» كورمەسىنىڭ اشىلۋ سالتاناتىن تىكەلەي ەفيردە كورسەتەدى. كورمەنىڭ اشىلۋ ءراسىمى استانا ۋاقىتىمەن ساعات 20:17-دە باستالادى. «20:17» ۋاقىتىن ۇيىمداستىرۋشىلار سيمۆوليكالىق تۇردە تاڭداعان.
