تۇركيا استانا ەكسپو-2017 كورمەسىندەگى پاۆيلونىن تانىستىردى
استانا ەكسپو-2017 كورمەسىندەگى تۇركيا كوميسسارى، ەكونوميكا ءمينيسترىنىڭ ورىنباسارى تارىك سونمەز تۇركيانىڭ اتالعان كورمەگە قاتىساتىندىعى تۋرالى كەلىسىمگە 2016 -جىلعى 5 - تامىزدا قول قويعاندىعىن ەسكە سالىپ ءوتتى.
«ارينە، دايىندىق جۇمىستارى مۇنان ەرتە قولعا الىندى. بولاشاق ەنەرگياسى تاقىرىبىنداعى كورمەدە ەلىمىزدىڭ تۇجىرىمداماسى قانداي بولماق دەگەن ساۋالعا جاۋاپ ىزدەپ، دايىندىق جۇمىستارىن باستادىق. ءسويتىپ جاھاندىق ىنتىماقتاستىق پەن بىرلىكتىڭ ماڭىزىن ەسكەرىپ تۇركيانىڭ جاھاندىق ىقپالداستىقتاعى ورنىنا نازار اۋدارتاتىن تاقىرىپتى تاڭدادىق. ءبىزدىڭ تاقىرىپتىق تۇجىرىمىمىزدى «تۇراقتى ەنەرگەتيكا جولىنداعى عالامدىق ءوزارا ارەكەتتەستىك» دەپ تاڭداپ الدىق»، - دەدى ول.
كەلەسى كەزەكتە ءسوز العان تۇركيا ەكونوميكا ءمينيسترىنىڭ تاعى ءبىر ورىنباسارى فاتيح سونمەز وسى ۋاقىتقا دەيىن تۇركيا ەكسپو كورمەلەرىنە 34 رەت قاتىسقانىن، وتكەن جىلى World Botanic EXPO-2016 حالىقارالىق مامانداندىرىلعان كورمەسىن وتكىزگەندىگىن ايتتى. 4 ايعا سوزىلعان كورمەگە 4,5 ميلليون ادام كەلگەندىگىن اتادى.
«2015 -جىلى ميلاندا وتكەن ەكسپو كورمەسىنە قاتىسقان بولاتىنبىز. سول كەزدە ءبىزدىڭ پاۆيلونىمىزدى 5 ميلليون ادام كەلىپ كورگەن ەدى. قازاقستانداعى كورمە بارىسىندا دا ادامدار وتە كوپ كەلگەن پاۆيلونداردىڭ ءبىرى بولعىمىز كەلەدى. ويتكەنى ءسىزدىڭ ەلدەرىڭىز ساناۋلى كۇندەردەن كەيىن باستالاتىن كورمەگە دايىندىق جۇمىستارىن وتە جوعارى دەڭگەيدە وتكىزدى»، - دەدى فاتيح سونمەز.
ايتا كەتەرلىگى، تۇركيا پاۆيلونىنىڭ جالپى اۋماعى 1000 شارشى مەتردى قۇرايدى.
اۆتور: مارلان جيەمباي
