ەكسپو-2017: وڭتۇستىك كورەيا «اقىلدى ءومىردى» ۇيرەتەدى
پاۆيلوننىڭ تاقىرىبى - «بولاشاق ەنەرگياسى. اقىلدى ءومىر» (Future Energy, Smart Life).
وڭتۇستىك كورەيا ەكسپو-2017 كورمەسىندە ەڭ ۇلكەن پاۆيلونداردىڭ ءبىرىن اشىپ وتىر. ونىڭ جالپى اۋدانى - 1804 شارى مەتر. ەكىقاباتتى پاۆيلوننىڭ ءبىرىنشى قاباتىندا كورمە ايماعى اشىلدى.
ول جەردە مۋلتيمەديالىق تەحنولوگيالار ارقىلى وڭتۇستىك كورەيانىڭ وسى سالاداعى جەتىستىكتەرىمەن تانىسۋعا بولادى.
بۇدان بولەك، پاۆيلون اۆتورلارى اسلان ەسىمدى قازاق بالاسى تۋرالى حيكايانى دايىنداپ قويدى. ول تەدجون دەگەن ارالعا اتتانىپ، قۋراپ بارا جاتقان اعاشتاردى قۇتقارادى.
سوسىن ارا ەسىمدى قىزدىڭ كومەگىمەن ەنەرگيانىڭ جاڭا كوزىن تابادى. پاۆيلوننىڭ ەكىنشى قاباتىندا وسى ەلدىڭ مادەنيەتىمەن تانىسۋعا مۇمكىندىك بار.
وندا كارىس حالقىنىڭ ۇلتتىق تاعامدارىنان ءدام تاتىپ، كادە-سىيلارىن ساتىپ الۋعا بولادى. سونداي-اق وڭتۇستىك كورەيا سەريالدارىنىڭ پرومو-كورسەتىلىمى ۇيىمداستىرىلادى.
ايتا كەتكەن ءجون، وڭتۇستىك كورەيا رەسپۋبليكاسى ەكسپو كورمەلەرىنە 1970-جىلدان بەرى قاتىسىپ كەلەدى.
اتالعان ەلدىڭ تەدجون مەن يوسۋ قالالارىندا دا اتالعان كورمە وتكەن.
