ەكسپو-2017 كورمەسىنە قانشا شەتەلدىك تۋريست كەلەدى؟
ول ۇيىمداستىرۋشىلاردىڭ مالىمەتتەرى بويىنشا، كورمەگە 2,4 ميلليون ادام كەلەتىنىن ايتتى. ولاردىڭ 15 پروتسەنتى شەتەلدىك تۋريست بولۋى كەرەك.
«تاجىريبە بويىنشا كورمەگە كەلۋشىلەر سانى 70-80 پايىز بولادى. ال ءبىزدىڭ جاعدايىمىزدى بۇل كورسەتكىش 85 پايىزدى قۇراماق. ونىڭ 15 پايىزى شەتەلدەردەن كەلەتىن قوناقتار. مولشەرمەن ايتقاندا ادامدار سانى 600 دەن 750 مىڭعا دەيىن بولادى. كورمەگە كەلەتىن تۋريستەردىڭ 70 پايىزى جاقىن شەتەلدەردەن بولاتىنى ايتپاسا دا تۇسىنىكتى. ولار نەگىزىنەن ءبىزدىڭ كورشىلەرىمىز. بۇگىنگى تاڭدا قىتايدان شامامەن 150-200 مىڭ قوناق كەلەدى دەپ كۇتىلۋدە. ويتكەنى قىتايلىق تۋريزم اگەنتتىكتەرىن بۇل كورمە قاتتى قىزىقتىرىپ وتىر. تاعى 150-200 مىڭ قوناق ەۋروپا، سولتۇستىك امەريكا سياقتى ايماقتارداعى شەت مەملەكەتتەردەن كەلەدى. وكىنىشكە وراي ىشكى ءبولىنىس قالاي بولاتىنىن ايتا المايمىز»، - دەدى يليا ورازوۆ يتاليالىق پاۆيلوننىڭ تانىستىرۋ راسىمىندە.
ونىڭ سوزىنشە، وسى ۋاقىتتا قانداي مەملەكەتتەن قانشا ادام بيلەتتەردى ساتىپ الىپ جاتقانى انىقتالۋدا.
«جالپى العاندا بيلەتتەردىڭ ساتىلۋىن قاداعالاۋ قيىن پروتسەس. ويتكەنى ول بەلگىلى ءبىر وپەراتور ارقىلى جۇزەگە اسىرىلادى. سوندىقتان ءبىز بۇل مالىمەتتەر تۋرالى كەيىن تاعى حابارلايمىز»، - دەدى ول.
يليا ورازوۆتىڭ ايتۋىنشا، كورمە اياسىندا 3 مىڭنان استام مادەني شارالار ۇيىمداستىرىلادى. ولاردىڭ اراسىندا 40 تان استام عىلىمي كونفەرەنسيالار مەن ءىرى فورۋمدار، 126 ۇلتتىق يدەيالار بار.
ايتا كەتەيىك، «بولاشاق ەنەرگياسى» تاقىرىبىندا وتەتىن حالىقارالىق مامانداندىرىلعان ەكسپو-2017 كورمەسى استانادا 10- ماۋسىم مەن 10- قىركۇيەك ارالىعىندا وتەدى.
ەكسپو كورمەسى كەشەنىنىڭ اۋماعى 25 گەكتاردى قۇرايدى. كورمەگە 100 دەن استام مەملەكەت وكىلدەرى، كاسىپورىندار مەن ۇيىمداردىڭ قىزمەتكەرلەرى قاتىسادى.
