ەكسپو-2017: مۋزىكانتتار حالىقتىڭ ۇستىمەن ۇشاتىن بولادى
ايتا كەتكەن ءجون، ەكسپو كورمەسى اياسىندا ق ر مادەنيەت جانە سپورت مينيسترلىگى، سونداي-اق استانا قالاسىنىڭ اكىمدىگى ءوز باعدارلامالارىن دايىنداپ قويدى. ال ۇلتتىق كومپانيا بولەك مادەني-بۇقارالىق شارالارعا جاۋاپ بەرەدى. ءدال وسى شارالار 10- ماۋسىم كۇنى باستالادى.
«ۇلى دالا سيمفونياسى» اتتى شوۋ (10-14- ماۋسىم)، قازاق ۇلتتىق ونەر ۋنيۆەرسيتەتىنىڭ كونسەرتى (10-12- ماۋسىم)، ارت ورتالىقتىڭ كورمەسى (1-0 ماۋسىم - 10- قىركۇيەك)، «ۇلى گەتسبي» بالەتى (15- ماۋسىم)، قازاقستان كامەراتتاسى (18-21- ماۋسىم)، «وتىرار سازى» كونسەرتى (20-23- شىلدە)، «ا ستۋديو» توبىنىڭ كونسەرتى (14-19- تامىز)، قۇرمانعازى اتىنداعى ۇلتتىق كونسەرۆاتوريانىڭ كونسەرتى (23-25- تامىز) جانە تاعى باسقا دا شارالار كورمەنىڭ بىرنەشە الاڭدارىندا وتەدى.
بۇدان بولەك، Gakku TV مەن MTV كونسەرتتەرى ۇيىمداستىرىلىپ، الەمگە تانىمال ءۇش ديدجەيدىڭ جەكە كونسەرتى وتەدى.
«ەكسپونىڭ باس امفيتەاترىندا استانا كۇنىنە ارنالعان ۇلكەن كونسەرت وتەدى. ەندى، بىزدە دە ءبىراز توسىن سىيلار بار. ۇلكەن جۇلدىزداردى كۇتىپ وتىرمىز. ءدال قازىر ەشتەڭە ايتا المايمىز. دەگەنمەن، استانا كۇنىنە ءبىر ون كۇن قالعاندا ول جۇلدىزداردىڭ اتى-ءجونىن جاريالايمىز. سىزدەر ءۇشىن ول ۇلكەن سىي بولادى. كونستيتۋتسيا كۇنىنە دە تانىمال جۇلدىزدار كەلەدى»، - دەيدى وماروۆ.
ونىڭ ايتۋىنشا، مارات بيسەنعاليەۆتىڭ كونسەرتى دە وزگەشە وتەدى. قازىرگى كەزدە وسى كونسەرت ءۇشىن ارنايى مۋزىكا جازىلىپ جاتىر. «مۋزىكانتتار كورەرمەندەردىڭ ۇستىمەن ۇشاتىن بولادى. ولار پارتيتۋراسىز ونەر كورسەتەدى. مەنىڭشە، ونداي شارالار حالىقتى بەي-جاي قالدىرمايدى»، - دەپ اتاپ كورسەتتى دەپارتامەنت باسشىسى.
ايتا كەتەيىك، بۇگىن «استانا ەكسپو-2017» ۇلتتىق كومپانياسى جۋرناليستەرگە الەمگە تانىمال ديۋ سولەي سيركىنىڭ دايىندىعىن دا كورسەتىپ بەردى. بۇقارالىق اقپارات قۇرالدارىنىڭ وكىلدەرى ساحنانىڭ ارعى جاعىندا بولىپ، الداعى ەكسكليۋزيۆتى شوۋدىڭ سەناريىمەن تانىسىپ شىقتى. سيرك ارتىستەرى بولسا، ءبىر ءنومىرىن كورسەتتى.
