ەكسپو-2017 كورمەسىندە ب ۇ ۇ ءوزىنىڭ الاڭىن اشادى
ب ۇ ۇ الاڭىنىڭ اشىلۋ سالتاناتى حالىقارالىق پاۆيلوننىڭ Involvement Zone اۋماعىندا وتەدى. ەكسپو كورمەسىنە ب ۇ ۇ- نىڭ توعىز اگەنتتىگى، اتاپ ايتقاندا ب ۇ ۇ د ب (دامۋ باعدارلاماسى)، يۋنەپ (قورشاعان ورتانى قورعاۋ جونىندەگى ب ۇ ۇ باعدارلاماسى)، ب ۇ ۇ ەسكاتو (ازيا جانە تىنىق مۇحيتى ايماعىنا ارنالعان ەكونوميكالىق جانە الەۋمەتتىك كوميسسياسى)، يۋنەسكو (ءبىلىم، عىلىم مەن مادەنيەت ماسەلەلەرى جونىندەگى بىرىككەن ۇلتتار ۇيىمىنىڭ مامانداندىرىلعان مەكەمەسى)، ب ج ك ب (ب ۇ ۇ- نىڭ بوسقىندار ىستەرى جونىندەگى جوعارعى كوميسسارىنىڭ باسقارماسى)، يۋنيدو (ونەركاسىپتىك دامۋ جونىندەگى ب ۇ ۇ)، يۋنيسەف (- ب ۇ ۇ بالالار قورى)، ماگاتە (اتوم ەنەرگياسى جونىندەگى حالىقارالىق اگەنتتىك) جانە ب ۇ ۇ ايەلدەر اگەنتتىكتەرى (- ب ۇ ۇ- نىڭ ايەلدەردىڭ گەندەرلىك تەڭدىگى جانە ولاردىڭ قۇقىقتارى مەن مۇمكىندىكتەرىن كەڭەيتۋ ماسەلەلەرى جونىندەگى قۇرىلىمى) قاتىسادى.
ب ۇ ۇ- نىڭ تازا ءارى قولجەتىمدى ەنەرگيانى بۇكىل الەم بويىنشا ىلگەرى جىلجىتۋ سالاسىندا 70 جىلدان استام تاجىريبەسى بار. كورمەدە ب ۇ ۇ- نىڭ ايماقتى تۇراقتى ەنەرگيامەن قامتاماسىز ەتۋ جۇمىسىنىڭ ناتيجەسىن كورسەتەتىن قوندىرعىلاردى كورۋگە بولادى. 2016 -جىلدىڭ قاراشا ايىندا ب ۇ ۇ- نىڭ باس حاتشىسى ەكسپو-2017 كورمەسىندەگى ب ۇ ۇ باس كوميسسارى قىزمەتىنە دجيحان سۋلتانوگلۋدى تاعايىندادى. وسى قىزمەتتە سۋلتانوگلۋ حانىم كورمەگە قاتىساتىن ب ۇ ۇ- نىڭ توعىز اگەنتتىگىنىڭ بارلىعىنا وكىلدىك ەتەتىن بولادى. ب ۇ ۇ كورمە بارىسىندا ءوز تاراپىنان ۇيىمداستىراتىن جانە ەكسپو-2017 اياسىندا بەلسەندى تۇردە قاتىساتىن ءبىرقاتار ءىس- شارالار جوسپارلانعان.
قولونەرشىلەر جارمەڭكەسى. قازاقستان قولونەرشىلەرى وداعىمەن بىرلەسىپ ۇيىمداستىرىلعان جارمەڭكە قولونەرشىلەردىڭ شىعارماشىلىق قابىلەتتەرىن ىنتالاندىرۋعا، ولاردىڭ ەكونوميكالىق مۇمكىندىكتەرىن ارتتىرۋعا جانە ۇلتتىق ونەردى ناسيحاتتاۋعا باعىتتالعان. دجيحان سۋلتانوگلۋ حانىم جارمەڭكەنىڭ اشىلۋ سالتاناتىنا قاتىسادى. (8 - ماۋسىم، 11:30, «كەرۋەن» و س و، 3-قابات).
مينيسترلىك كونفەرەنسيا جانە ەنەرگەتيكا جونىندەگى سەگىزىنشى حالىقارالىق فورۋم اياسىنداعى «ەنەرگەتيكانىڭ تۇراقتى دامۋىن قامتاماسىز ەتۋ» اتتى تۇراقتى دامىتۋ باعىتىندا وتكىزىلەتىن پرەسس- كونفەرەنسيا. كونفەرەنسيا ەنەرگەتيكالىق قاۋىپسىزدىككە، ساۋدا مەن ينفراقۇرىلىمعا، ەنەرگەتيكا- كليمات- ازىق- تۇلىك قاۋىپسىزدىگىنىڭ ءوزارا بايلانىسىنا، سونداي- اق ايماقتىق تۇرعىدا جاڭارتىلاتىن ەنەرگيا كوزدەرىن دامىتۋعا ارنالادى (2017 -جىلدىڭ 11 - ماۋسىمى، 18:15-18:45، ەكسپو-2017 كونگرەسس- ورتالىعى، تولىعىراق اقپاراتتار كەيىنىرەك حابارلاناتىن بولادى).
ارناساي كەنتىندەگى جاسىل تەحنولوگيالار ورتالىعىنا بارۋ. ەكسپو-2017 كورمەسىنىڭ ب ۇ ۇ باس كوميسسارى وسى ورتالىققا بارىپ، فيتو- جارىق ديودتى جىلىجاي، پيروليز قازاندارى، سۋ ۇنەمدەۋىش جانە باسقا دا تەحنولوگيالار سياقتى زاماناۋي «جاسىل» تەحنولوگيالارىمەن تانىساتىن بولادى. ەكسكۋرسيا جاساۋ كەزىندە تىلشىلەر دجيحان سۋلتانوگلۋ حانىمعا سۇراقتار قويا الادى (12 - ماۋسىم 2017 ج. 11:00-دەن 16:00-گە دەيىن، 14:45-تە ب ا ق وكىلدەرىمەن كەزدەسۋ وتەدى، ارناساي كەنتىندەگى جاسىل تەحنولوگيالار ورتالىعى).
ەكسپو-2017 كورمەسى اياسىنداعى ۇ ۇ كۇنى. بۇل كۇنى بىرىككەن ۇلتتار ۇيىمى تانىمال قازاقستاندىق اكتەرلەردىڭ قاتىسۋىمەن مادەني- كوپشىلىك ءىس- شارالار، سونداي- اق ەكسپو اياسىنداعى، تۇراقتى ەنەرگەتيكا سالاسىندا اتقارىلىپ جاتقان جۇمىستاردى جۇرتشىلىققا حابارلاۋعا ارنالعان ارنايى سەسسيالار وتكىزەدى. (2017 -جىلدىڭ 13-ماۋسىمى، 10:00-دەن 18:00-گە دەيىن، ۇلتتىق كۇن ساحناسى جانە حالىقارالىق پاۆيلون).
استانا ەكونوميكالىق فورۋمى اياسىندا «بولاشاقتىڭ «اقىلدى» ءارى تۇراقتى قالالارى» اتتى ارنايى سەسسيا ۇيىمداستىرىلادى. وسى سەسسيادا حالىقتىڭ ءومىر ءسۇرۋ ساپاسىن جاقسارتۋ ماقساتىندا قالالىق ورتانىڭ كەپىلدەندىرىلگەن ەكونوميكالىق، ەكولوگيالىق جانە الەۋمەتتىك تۇراقتىلىعىن قالىپتاستىرۋ جولدارىن قاراستىرۋعا باستى نازار اۋدارىلادى. (2017 -جىلدىڭ 15 - ماۋسىمى، 15:00-دەن 19:00-گە دەيىن، تاۋەلسىزدىك سارايى، سالتانات زالى).
