الماتى وقۋشىلارى ەكسپو-2017 كورمەسىن تەگىن تاماشالايتىن بولدى

الماتى. قازاقپارات - الماتىلىق كاسىپكەرلەر وقۋشىلارعا، ستۋدەنتتەرگە، الماتى قالاسىنىڭ مەكتەپ مۇعالىمدەرى مەن ج و و وقىتۋشىلارىنا «ەكسپو-2017» كورمەسىنە 1000 بيلەت سىيلاماق.

بۇل تۋرالى قالالىق كاسىپكەرلىكتى قولداۋ جانە يندۋستريالدى يننوۆاتسيالىق دامۋ باسقارماسى حابارلادى.

 «بيلەتتەر حالىقارالىق وليمپيادالاردىڭ جەڭىمپازدارىنا، سونداي- اق عىلىمي جۇمىستارمەن بەلسەندى تۇردە اينالىساتىن وقۋشىلار مەن ستۋدەنتتەرگە بەرىلەدى. بۇدان باسقا، «جىل مۇعالىمدەرى» جانە عىلىمي جوبالارعا جەتەكشىلىك ەتەتىن وقىتۋشىلار كورمەنى تەگىن تاماشالاۋعا مۇمكىندىك الادى»، - دەدى الماتى قالاسى بويىنشا «استانا ەكسپو-2017» جەدەل شتابىنىڭ باسشىسى سامعات ەرمەكبايەۆ.

ونىڭ ايتۋىنشا، مەتسەناتتار «استانا ەكسپو-2017» كورمەسىنىڭ الماتىداعى شتابىنا وقۋشىلار ءۇشىن 200 بيلەت، مۇعالىمدەر ءۇشىن 300 بيلەت، ستۋدەنتتىك جاستار مەن ج و و وقىتۋشىلارى ءۇشىن 500 بيلەت ساتىپ الۋ تۋرالى ءوتىنىش بىلدىرگەن. ايتا كەتۋ كەرەك، ءبىر بيلەتتىڭ قۇنى  4000 تەڭگە.