ەكسپو-2017 كورمەسى اياسىندا كينو نارىعى ۇيىمداستىرىلادى
بۇل تۋرالى ق ر ۇكىمەتى وتىرىسىنىڭ قورىتىندىسى بويىنشا وتكەن باسپا ءسوز كونفەرەنسياسىندا ق ر مادەنيەت جانە سپورت ءمينيسترى ارىستانبەك مۇحامەدي ۇلى مالىمدەدى، دەپ حابارلايدى primeminister.kz.
كينو نارىعى - بۇل ۇسىنىلاتىن، ساتىپ الۋ جانە ساتۋ زاتى كينو ءونىمى بولىپ تابىلاتىن ىسكەرلىك كورمە-جارمەڭكە.
ەگەر فەستيۆال كينو كورسەتىلىمىنە بارۋدى قاراستىراتىن بولسا، كينو نارىعىندا ناعىز كينو ساۋداسى - ياعني، فەستيۆالدە كورسەتىلگەن فيلمدەردى ساتىپ الۋ، ساتۋ شاراسى وتەدى. كينوكومپانيالار مەن تۋىندىلاردىڭ يەلەرى جاڭا فيلمدەر مەن ءالى اياقتالماعان كينو ونىمدەرىنىڭ ۇزىندىلەرىن ۇسىنادى.
بۇدان وزگە، كينونارىق كاسىبي وزدىگىنەن ءبىلىم الۋ الاڭىنا اينالادى: پروديۋسەرلەر مەن رەجيسسەرلەرگە كونفەرەنسيالار، «دوڭگەلەك ۇستەلدەر»، تاقىرىپتىق پىكىرتالاستار، شەبەرلىك ساعاتتارى وتكىزىلەدى.
