قورقىت اتا كەسەنەسى «ەكسپو-2017» كورمەسىنىڭ تۋريستىك باعىتىنا قوسىلدى

استانا. قازاقپارات - تۇركى حالىقتارىنا ورتاق ابىز -  قورقىت اتانىڭ ۇرپاققا قالدىرعان مادەني جادىگەرلەرىنىڭ يۋنەسكو- نىڭ مادەني مۇرالارى تىزىمىنە ەنەتىن كۇنى جاقىن. ءسويتىپ، قازاق ساحاراسىندا تۋعان ۇلى تۇلعانىڭ كۇللى رۋحاني تۋىندىسى بارشا ادامزاتتىڭ قۇندى ميراسقورى سانالىپ، ارنايى قورعاۋعا الىنباق.

رۋحاني بولمىسىمىزدىڭ التىن ارقاۋى سانالاتىن قورقىت بابا قالدىرعان گۋمانيستىك نيەتتەگى ديداكتيكالىق مۇرالارى، وسيەت- قاعيدالارى قوعامنىڭ بۇگىنگى تىنىس- تىرشىلىگىمەن تولىق ۇيلەسىم تاۋىپ وتىر. ابىزدىڭ تۇتاس ءداۋىر شەجىرەسىن بويىنا سىيعىزعان كۇيلەرى حالىقتىق فولكلور ارقىلى بۇگىنگە جەتتى.

 سەرىك جاقسىعۇلوۆ، جىرشى:

 - قازاق ونەرى مەن مادەنيەتىندە قالعانى -  12 كۇي. ايتۋلى «اققۋ»، «ۇشاردىڭ ۇلۋى»، «ءباشپاي» سياقتى ۇلى كۇيلەرى ورىندالىپ، بۇگىنگى تاڭدا كيەلى قوبىز اسپابىن جاساۋشى، كۇي ونەرىن دامىتۋشى، كۇي اتاسى دەپ قورقىت اتامىزدى ايتا الامىز.

قورقىت تۋرالى سان تاراۋ اڭىز بار. سول قۇندىلىقتاردى جىكتەپ- جىلىكتەپ ساقتاپ، وسكەلەڭ ۇرپاققا تابىستاۋ ماقساتىندا سىر ەلىندە قورقىت اتا جانە ولكەتانۋ عىلىمي زەرتتەۋ ينستيتۋتى قۇرىلدى.

 عابيت تۇياقبايەۆ، فيلولوگيا عىلىمدارىنىڭ كانديداتى، دوتسەنت:

 - قورقىت اتا مۇرالارى -  بۇكىل تۇركىتىلدەس ەلدەرگە ورتاق مۇرا، ورتاق رۋحاني قازىنا. دەگەنمەن قورقىتتىڭ كۇيلەرى باسقا حالىقتاردا كەزدەسپەيدى. سوندىقتان ءبىزدىڭ قورقىت اتا كۇيلەرىن تاڭداپ ۇسىنۋىمىزداعى دا نەگىزگى ماقساتتىڭ ءبىرى -  وسى قورقىت اتا تۇلعاسىنىڭ ءبىرتابان بولسا دا، قازاققا جاقىن ەكەندىگىن كورسەتۋ. ءبىزدىڭ ۇلتتىق توپىراقتا، اسىرەسە سىر وڭىرىنەن شىققان ورتا عاسىرلارداعى پەرزەنتى رەتىندە كورسەتۋ -  نەگىزگى ماقساتتىڭ ءبىرى. وتاندىق عالىمداردىڭ زەرتتەۋ ەڭبەكتەرى، دالەلدەمەلەرى يۋنەسكو ۇيىمى مەن يسەسكو ىستەرى جونىندەگى ۇلتتىق كوميسسياعا تاپسىرىلعان. قورقىت اتانىڭ باي دۇنيەسى جاھان جۇرتىن قىزىقتىرادى. وعان دالەل 3 جىل بۇرىن قايتا جاڭعىرتىلعان بابانىڭ مەموريالدى كەشەنىن تاماشالاۋعا بىلتىر 16 مىڭنان استام شەتەلدىك قوناق كەلگەن. سول سەبەپتى كيەلى كەسەنە «ەكسپو-2017» كورمەسىنىڭ تۋريستىك باعىتىنا قوسىلىپ وتىر.

 ازامات دوسجانوۆ، وبلىستىق كاسىپكەرلىك جانە تۋريزم باسقارماسى باسشىسىنىڭ مىندەتىن اتقارۋشى:

 - رەسەي مەملەكەتى، ت م د ەلدەرى كەلەمىز دەپ جوسپارلاپ وتىر جانە فرانسيا، انگليا، گەرمانيا جانە قىتايدان سيقتى ەلدەر قىزىعۋشىلىق تانىتىپ وتىر. قازاقستاندىق 7 تۋروپەراتور بەلگىلەندى. بايقوڭىر كەشەنىنە اپارادى جانە وسى قورقىت اتا مەموريالدىق كەسەنەسىنە ءبىر باعىتتا باراتىنداي ارنايى تۋرپاكەتتەر ازىرلەندى. قورقىت بەينەسى ارقىلى ءوڭىردىڭ جالپى رۋحاني- تاريحي مۇرالارىنىڭ قايتا جاڭعىرۋىنا جول اشىلدى. بۇل ايماقتىڭ بار كەرەمەتىن جاھاندىق دەڭگەيدە پاش ەتۋدىڭ تاپتىرماس مۇمكىندىگى بولىپ وتىر.

www.24.kz