ا ق ش ەكسپو-2017 كورمەسىنە قاتىسۋ تۋرالى كەلىسىمشارتقا قول قويدى
دەپ حابارلايدى primeminister.kz.
«ا ق ش الەمنىڭ جەتەكشى ەكونوميكاسى جانە جاھاندىق ەنەرگەتيكا نارىعىنداعى باستى ويىنشىلاردىڭ ءبىرى بولعاندىقتان، ونىڭ كورمەگە قاتىسۋى ءبىز ءۇشىن اسا ماڭىزدى»، - دەدى امەريكالىق دەلەگاتسيامەن كەزدەسۋ بارىسىندا ەسىموۆ.
تاۋەلسىزدىك جىلدارىندا قازاقستان مەن ا ق ش اراسىندا ءوزارا ءتيىمدى سەرىكتەستىك پەن جوعارى سەنىمگە نەگىزدەلگەن دوستىق قارىم- قاتىناس ورنادى.
«ءبىز بۇل ءساتتى ۇزاق كۇتتىك جانە بۇل وقيعاعا وتە قۋانىشتىمىن. قازاقستان ءبىز ءۇشىن وڭىردەگى ستراتەگيالىق ارىپتەس، جانە ءبىز بۇل وقيعاعا قاتىسپاۋىمىز مۇمكىن ەمەس. بۇدان بولەك، ەكسپو كورمەسىنىڭ «بولاشاق ەنەرگياسى» تاقىرىبى قازاقستان ءۇشىن دە، ا ق ش ءۇشىن دە زور پەرسپەكتيۆالارعا يە»، - دەپ باسا ايتتى دج. كرولل.
ايتا كەتۋ كەرەك، ا ق ش - جاڭارتىلمالى ەنەرگيا كوزدەرى سالاسىنداعى الەمدىك كوشباسشىلاردىڭ ءبىرى. وتكەن جىلى ا ق ش- تاعى قولدانىسقا ەنگىزىلگەن كۇن ەلەكتر ستانسيالارىنىڭ قۋاتى 95 پايىز ءوسىپ، 14,5 گيگاۆاتتى قۇراعان.
بۇدان بولەك، ءىرى امەريكالىق كومپانيالار «جاسىل» تەحنولوگيالارعا باسا نازار اۋدارادى. ا ق ش جاڭارتىلمالى ەنەرگيا كوزدەرى جانە «جاسىل» تەحنولوگيالار سالاسىنداعى ءوزىنىڭ باي تاجىريبەسى مەن وزىق ازىرلەمەلەرىن ۇسىنباق. دەمەۋشىلىك تۋرالى شارتقا «دجەنەرال ەلەكتريك» كومپانياسى قول قويعان.
ەسكە سالساق، حالىقارالىق مامانداندىرىلعان كورمە استانا قالاسىندا 2017 -جىلعى 10 - ماۋسىم مەن 10 -قىركۇيەك ارالىعىندا وتكىزىلەدى، ونىڭ بارىسىندا 5 ميلليون كەلۋ بولادى دەپ كۇتىلۋدە.
