مالايزيا پرەمەر- ءمينيسترى ەكسپو-2017 كورمەسىنە كەلەتىن بولدى
دەپ حابارلايدى ۇلتتىق كومپانيانىڭ باسپا ءسوز قىزمەتى.
كەزدەسۋ بارىسىندا ەكسپو-2017 كورمەسىنە دايىندىق بارىسى، تەحنيكالىق ماسەلەلەر تالقىلاندى. ۇلتتىق كومپانيا باسشىسى بۇگىنگى تاڭدا حالىقارالىق، تاقىرىپتىق پاۆيلونداردىڭ قۇرىلىسى اياقتالىپ، كورمە قاتىسۋشىلارىنا پاۆيلونداردى تابىستاۋ ءارى ولاردى مازمۇندىق تولتىرۋ پروتسەستەرىنىڭ بەلسەندى جۇرگىزىلىپ جاتقاندىعىن ايتتى.
ءوز كەزەگىندە دوكتور زايني بين ۋدجانگ ۇسىنىلعان پاۆيلون جانە وسىنداي دەڭگەيدەگى حالىقارالىق شاراعا قاتىسۋ مۇمكىندىگى ءۇشىن العىسىن ءبىلدىردى.
«ءبىزدىڭ قاتىسۋىمىز تەك ۇلتتىق پاۆيلون توڭىرەگەندە عانا بولماسا دەيمىز. ەكسپو-2017 اياسىندا ءۇش مىڭنان استام مادەني، تاقىرىپتىق ءىس- شارالار وتكىزىلەدى. ءبىزدىڭ سەكسيامىزدىڭ ماقساتى - بالامالى ەنەرگيا كوزدەرىن پايدالانۋ بويىنشا كورمە اياسىندا ۇيىمداستىرىلاتىن كونفەرەنتسيا، دوڭگەلەك ۇستەل، فورۋمدار جۇمىسىنا قاتىسۋ»، - دەدى مالازيالىق پاۆيلون كوميسسارى.
سونداي- اق، بين ۋدجانگ مىرزا ەكسپو-2017 كورمەسىنىڭ وتكىزىلۋ كەزەڭىندە قازاقستاننىڭ استاناسىنا مالايزيا پرەمەر- ءمينيسترى نابجيب تۋن رازاك كەلەتىندىگىن جەتكىزدى.
كەزدەسۋ سوڭىندا احمەتجان ەسىموۆ ەكسپو-2017 كورمەسىنە قاتىسۋى بارىسىندا مالازيالىقتارعا بارىنشا قولداۋ بىلدىرەتىندىگىن ايتتى. سودان كەيىن مالايزيا ۇلتتىق پاۆيلونىنىڭ تابىستالۋى جونىندە قۇجاتتارعا قول قويىلدى.
بۇگىنگى تاڭدا ەكسپو-2017 كورمەسىنە قاتىساتىندىعىن 112 مەملەكەت پەن 18 حالىقارالىق ۇيىم راستادى.
