دومينيكان رەسپۋبليكاسى ەكسپو-2017 گە قاتىسۋ تۋرالى شارتقا قول قويدى
شارتقا قول قويۋعا قازاقستان تاراپىنان ەلىمىزدىڭ كانادا مەن دومينيكان رەسپۋبليكاسىنداعى ەلشىسى كونستانتين جيگالوۆ، دومينيكان تاراپىنان - سىرتقى ىستەر ءمينيسترى ميگەل ۆارگاس پەن ۇلتتىق سەكتسيا كوميسسارى حانس داننەنبەرگ (دومينيكان رەسپۋبليكاسىنىڭ ءۇندىستان مەن قازاقستانداعى ەلشىسى) قاتىستى.
ك. جيگالوۆ جينالعانداردى استاناداعى ەكسپو-2017 گە دايىندىقتىڭ اۋقىمدى جۇمىستارى تۋرالى اقپاراتتاندىرىپ، دومينيكان باسشىلىعىنىڭ كورمەگە قاتىسۋى - قازاقستان-دومينيكان قارىم-قاتىناسىنىڭ شيراق دامۋىن كورسەتەتىنىن ايتىپ ءوتتى.
قازاقستان ەلشىسى م. ۆارگاسقا ءوزىنىڭ قازاقستانعا العاشقى ساپارىن كورمەگە قاتىسۋعا كەلۋمەن بايلانىستىرۋىن ۇسىندى. م. ۆارگاس دومينيكان رەسپۋبليكاسىنىڭ قازاقستاندى وڭىردەگى باستى سەرىكتەس رەتىندە قاراستىراتىنىن جانە ەنەرگەتيكا سالاسىنداعى، سونىڭ ىشىندە جاڭعىرتىلاتىن ەنەرگيا سالاسىنداعى ىنتىماقتاستىق ەكى ەلدىڭ كەلەشەگى زور، ءوزارا ءتيىمدى ارىپتەستىگىنىڭ ماڭىزدى باعىتتارىنىڭ ءبىرى ەكەنىن اتاپ ءوتتى.
دومينيكان رەسپۋبليكاسىنىڭ استاناداعى ەكسپو-2017 گە قاتىسۋى تەك «جاسىل ەنەرگەتيكا» وندىرىسىندەگى تاجىريبە الماسۋعا عانا ىقپال ەتپەي، سونىمەن قاتار، ەكى ەل اراسىنداعى ساۋدا-ەكونوميكالىق، ينۆەستيتسيالىق جانە مادەني-گۋمانيتارلىق بايلانىستاردىڭ دامۋىنا دا قوسىمشا سەپتىگىن تيگىزەدى.
