گوللاند جۋرناليستەرى ەكسپو-2017 كورمەسىنە دايىندىق بارىسىنا قىزىعۋشىلىق تانىتتى
ەلشىلىك سايتىنىڭ حابارلاۋىنشا، كەلىسسوزدەر بارىسىندا م. ءىلياسوۆ گوللاند جۋرناليستەرىن قازاقستاننىڭ تاۋەلسىز 25 جىلداعى الەۋمەتتىك-ەكونوميكالىق جانە ساياسي جەتىستىكتەرىمەن، مەملەكەتتىڭ حالىقارالىق باستامالارىمەن، سونداي-اق ق ر- نىڭ 2017-2018-جىلدارداعى ب ۇ ۇ قاۋىپسىزدىك كەڭەسىنە مۇشەلىگى اياسىنداعى باسىمدىقتارىمەن تانىستىرىپ ءوتتى.
استانانىڭ «ەكسپو-2017» حالىقارالىق مامانداندىرىلعان كورمەسىنە دايىندىعى بارىسى گوللاند جۋرناليستەرىنىڭ ەرەكشە قىزىعۋشىلىعىن تۋدىردى. بالامالى قۋات كوزدەرى مەن ەنەرگيا ۇنەمدەۋ تەحنولوگيالارىن دامىتۋ تاقىرىبى وزەكتى ەكەنىن اتاپ ءوتىپ، «AD» تىلشىلەرى استاناداعى كورمەنى تاماشالاۋعا نيەت ءبىلدىردى.
نەگىزى 1946-جىلى قالانعان «AD» گازەتى كۇندەلىكتى 300 مىڭنان استام دانا تارالىمىمەن نيدەرلاندتىڭ كوشباسشى ۇشتىك باسىلىمدار قاتارىندا. «AD» گازەتى ءبىرقاتار ايماقتىق باسىلىمدارمەن تىعىز ىنتىماقتاسىپ، نيدەرلاند پەن شەت ەلدەردە كەڭ تىلشىلەر جەلىسىنە يە. باسىلىمنىڭ كۇنىنە 3 ميلليون ادامدى قامتيتىن جەكە اقپاراتتىق سايتى بار.
ايتا كەتەرلىك جايت، قاراشا ايىنىڭ ورتاسىندا استانادا «AlgemeenDagblad» جۋرناليستتەرىنىڭ باسپا ءسوز تۋرى وتەدى.
