21:07, 04 - قازان 2016 | GMT +5
رەسەي ەكسپو-2017 كورمەسىنە بارىنشا بەلسەندى قاتىسادى - پۋتين
استانا. قازاقپارات - رەسەي ەكسپو-2017 كورمەسىنە بارىنشا بەلسەندى قاتىسادى.
قازاقستان مەن رەسەيدىڭ XIII ءوڭىرارالىق ىنتىماقتاستىق فورۋمى بارىسىندا ر ف پرەزيدەنتى ۆلاديمير پۋتين وسىلاي دەدى.
«قازىر عانا بىزگە اقپارات بەردى. جالپى مەن ونى العاش رەت كورىپ وتىرمىن، العاش رەت تانىستىم. ءسوز «استانا ەكسپو-2017» كورمەسىنە دايىندىق تۋراسىندا بولىپ وتىر. ءبىز قازاقستاندىق ۇيىمداستىرۋشىلار قانداي ۇلكەن جۇمىستار اتقارعانىن كوردىك. قۇرمەتتى نۇرسۇلتان ءابىش ۇلى، ءسىزدى اتالعان اۋقىمدى شاراعا رەسەيدىڭ بارىنشا بەلسەندى قاتىساتىندىعىنا جانە وسىناۋ اۋقىمدى حالىقارالىق كورمەدە ونىڭ باعدارلاماسىنا ەنگەن 100 دەن استام شاراعا تەڭ ۇيىمداستىرۋشى بولۋعا دايىن ەكەندىگىنە سەندىرگىم كەلەدى»، - دەدى ر ف پرەزيدەنتى.
اۆتور: مارلان جيەمباي
