22:03, 29 - قىركۇيەك 2016 | GMT +5
تۇركيا وكىلدەرى ەكسپو-2017 كورمەسىندەگى پاۆيلوندارىن دايىنداۋدا
استانا. قازاقپارات - بۇگىن استانادا «استانا ەكسپو-2017» ۇ ك» ا ق باسقارما ءتوراعاسى احمەتجان ەسىموۆ پەن تۇركيا رەسپۋبليكاسىنىڭ ەكونوميكا ءمينيسترىنىڭ ورىنباسارى، تۇركيا ۇلتتىق سەكسياسىنىڭ كوميسسارى تارىك سونمەزدىڭ كەزدەسۋى ءوتتى.
كەزدەسۋ بارىسىندا ا. ەسىموۆ تۇركيا تاراپىنا كورمەگە دايىندىق جۇمىستارى تۋرالى بايانداپ بەردى. ول 103 ەل مەن 17 حالىقارالىق ۇيىمنىڭ كورمەگە قاتىسۋدى راستاعانىن، قازان ايىندا قاتىسۋشى ەلدەردىڭ ءوز پاۆيلوندارىن الاتىنىن اتاپ ءوتتى.
ءوز كەزەگىندە تارىك سونمەز تۇركيا ۇلتتىق پاۆيلونىنىڭ تاقىرىپتىق تۇجىرىمداماسىمەن جۇمىس تۋرالى حابارلاپ، جاقىن ارادا دايىن بولاتىنىن جەتكىزدى.
سونىمەن بىرگە، تاراپتار پاۆيلوندى دايىنداۋداعى تەحنيكالىق ماسەلەلەردى تالقىلادى.
