ەكسپو-2017 كورمەسىندە اتوم پاۆيلونى اشىلادى
بۇل تۋرالى قازاقستان رەسپۋبليكاسىنىڭ ۇلى بريتانيا جانە سولتۇستىك يرلانديا بىرىككەن كورولدىگىندەگى ەلشىلىگىنىڭ سايتىندا حابارلاندى.
سيمپوزيۋم قاتىسۋشىلارىنىڭ الدىندا ءسوز سويلەگەن ا. جۇماعاليەۆ قازاتوم ونەركاسىپ وندىرەتىن تابيعي ۋراننىڭ وزىندىك قۇنى - الەمدەگى ەڭ ارزاندار قاتارىنا جاتاتىندىعىن، دەگەنمەن، كومپانيا ۇسىنىستاردىڭ شامادان ارتىق بولۋىنا بايلانىستى نارىقتا ورىن العان احۋالدى ەسكەرە وتىرىپ، ءوندىرىس اۋقىمىن ارتتىرۋ قاجەتتىلىگىن كورىپ وتىرعان جوقپىز، دەپ مالىمدەدى.
سونىمەن قاتار، ۇلتتىق اتوم كومپانياسىنىڭ باسشىسى ءوندىرىس اۋقىمى قازىرگى دەڭگەيدە ساقتالاتىن بولسا، ەلدەگى ۋران قورى 60-70 جىلعا دەيىن جەتەدى، ول سالىنىپ جاتقان 59 رەاكتور مەن جوبالانىپ وتىرعان 168 رەاكتوردىڭ سۇرانىسىن قاناعاتتاندىراتىن قۇندى قور بولىپ تابىلاتىندىعىن اتاپ ءوتتى.
سونداي- اق، سيمپوزيۋم بارىسىندا ا. جۇماعاليەۆ جيىن قاتىسۋشىلارىنا قازاتوم ونەركاسىپتە وتكىزىلىپ جاتقان ترانسفورماتسيا باعدارلاماسى تۋرالى جانە كەلەسى جىلى استانا قالاسىندا وتەتىن «ەكسپو-2017» حالىقارالىق كورمەسى شەڭبەرىندە كومپانيا ارىپتەستەرىمەن بىرلەسىپ اتوم پاۆيلونىن سالاتىنى جونىندە باياندادى.
بۇكىل الەمدىك يادرولىق قاۋىمداستىق سيمپوزيۋمى بارىسىندا قازاتوم ونەركاسىپ باسقارما ءتوراعاسى اتوم سالاسىنىڭ ءىرى كومپانيا باسشىلارىمەن كەزدەسۋلەر وتكىزىپ، الداعى ارىپتەستىك جونىندە كەلىسسوزدەر جۇرگىزگەنىن اتاپ ءوتۋ كەرەك.
WNA سيمپوزيۋمى - يادرولىق ەنەرگەتيكا تاقىرىبىن قامتيتىن ءىرى فورۋمداردىڭ ءبىرى، قالىپتاسقان ءداستۇر بويىنشا، ول جىل سايىن قىركۇيەك ايىندا لوندون قالاسىندا وتكىزىلەدى. بيىل سيمپوزيۋم جۇمىسىنا الەمنىڭ 35 ەلىنەن كەلگەن اتوم ونەركاسىبىنىڭ 600 تارتا مامانى قاتىستى.
