ۆەنگريا ەكسپو-2017 كورمەسىنە وسىمدىكتەردى پايدالانۋ جونىندەگى جوبا ۇسىنادى
بۇل تۋرالى كورمەنىڭ رەسمي سايتى حابارلادى.
باس قوسۋدا تاراپتار تەحنيكالىق ماسەلەلەردى تالقىلادى. احمەتجان ەسىموۆ كورمەگە دايىندىق بارىسى مەن حالىقارالىق قاتىسۋشىلاردى تارتۋدا اتقارىلىپ جاتقان جۇمىسپەن تانىستىرىپ ءوتتى.
قازىرگى تاڭدا 103 مەملەكەت حالىقارالىق مامانداندىرىلعان كورمەگە قاتىساتىندىعىن راستادى. كەلىسىم-شارتتارعا قول قويۋ جۇمىسى جىلدىڭ اياعىندا اياقتالادى. بۇگىندە ۇلتتىق كومپانيا ەكسپوزيتسيالاردى قابىلداۋ ىسىنە كىرىستى.
لاسلو حورۆات ءوز سوزىندە ەكسپو-2017 كورمەسىنە ۆەنگريا العاشقى ەلدەردىڭ قاتارىندا راستاعاندىعىن اتاپ ءوتىپ، كورمەگە قاتىسۋداعى ستراتەگيالىق ماڭىزدىلىعىنا توقتالدى.
«استاناداعى ەكسپو-2017 كورمەسى ءبىز ءۇشىن وتە ماڭىزدى، ويتكەنى ءبىز 2021-جىلى وليپيادالىق ويىنداردى وتكىزۋگە ۇسىنىم بەرگەن بولاتىنبىز. كورمە الاڭىن ۆەنگريانىڭ نەگە قابىلەتتى ەكەندىگىن كورسەتۋ ءۇشىن پايدالانعىمىز كەلەدى» - دەدى قازاقستان رەسپۋبليكاسىنىڭ ۆەنگرياداعى قۇرمەتتى كونسۋلى لاسلو حورۆات.
سونداي-اق، ول بۇدان باسقا دا ۆەنگريا ەلەكتروكولىك ەكسپوزيتسيالارى مەن وسىمدىكتەردى پايدالانۋ بويىنشا جوبالارىن ۇسىناتىندىعىن ايتتى.
