پوليتسيا قىزمەتكەرلەرى ەكسپو-2017 كورمەسىندە سەگۆەيمەن جۇرەدى - فوتو
بۇل تۋرالى كەشە ەلوردالىق ساياباقتا سەگۆەيلەردى تانىستىرعان استانا قالاسى ىشكى ىستەر دەپارتامەنتى جول- پاترۋلدىك قىزمەتى پولكىنىڭ شتاب باستىعى قۋانىش ەركىنوۆ ءمالىم ەتتى.
«اعىمداعى جىلى ءى ءى د مەن جەرگىلىكتى پوليتسيا قىزمەتىنىڭ باسشىلىعىنىڭ باستاماسىمەن قوعامدىق ءتارتىپتى باقىلاۋ ءۇشىن پاترۋلدىڭ جاڭا ءتۇرى ەنگىزىلدى. ول - سۋ پاترۋلى، ەلەكتروموبيل جانە «سەگۆەي» سكۋتەرلەرى. سۋ پاترۋلى ەسىل وزەنى ۇستىمەن جۇرگىزىلەدى. استانانىڭ ورتالىق ساياباعىندا جاز بويى پوليتسيا قىزمەتكەرلەرى ەلەكتروموبيلدەر ارقىلى شولۋ جاسادى. ەندى سەگۆەيلەرمەن پاترۋلدەۋ باستالدى. قازىرگى ۋاقىتتا سەگۆەيلەر تەك ەلوردالىق ساياباق اۋماعىندا قولدانىلادى. ىشكى ىستەر دەپارتامەنتىنىڭ بالانسىندا سەگۆەيلەردىڭ ازىرگە ەكى داناسى بار»، - دەدى پوليتسيا كاپيتانى تىلشىلەرگە بەرگەن سۇحباتىندا.
ق. ەركىنوۆتىڭ ءسوزى بويىنشا، ەكسپو-2017 كورمەسى قارساڭىندا ونىڭ تاعى بىرنەشە داناسىن ساتىپ الۋ جوسپارلانۋدا.
«كەلەسى جىلى پوليتسيا ەلەكتروموبيلدەر مەن سەگۆەيلەردى ەكسپو-2017 حالىقارالىق كورمەسى اۋماعىندا دا قولداناتىن بولادى. ازىرگە بىزدە ەكى سەگۆەي بار، كەلەسى جىلى ولاردى قوسىمشا ساتىپ الۋ جوسپاردا بار»، - دەدى ول.
ونىڭ ايتۋىنشا، اتالمىش قۇرىلعىلار تەك جازعى مەزگىلدەردە پايدالانۋعا بولادى.
«سەگۆەيلەر بىزگە امەريكادان اكەلىندى، ولار ساعاتىنا 20 شاقىرىم جىلدامدىقپەن جۇرەدى. ءبىر رەت قۋات العاننان كەيىن، ءبىر كۇن پايدالانۋعا جارامدى. ولار 2008 -جىلى ساتىپ الىنعان بولاتىن، ول كەزدە سەگۆەيلەر 1,7 ميلليون تەڭگەگە ساتىپ الىندى. دەگەنمەن ءبىز ونى قازىر عانا پايدالانا باستادىق»، - دەپ اتاپ ءوتتى ق. ەركىنوۆ. - العاشىندا ادامدارعا بۇل تاڭسىق بولدى، جاڭاشىلدىقتى وتە ۇلكەن تاڭدانىسپەن قابىلدادى. بۇرىن مۇنداي يننوۆاتسيالار بولعان جوق ەدى. قازىر ادامدار بۇعان دا ۇيرەنىسىپ قالدى. جالپى حالىق بۇعان وڭ كوزقاراس تانىتۋدا».
ايتا كەتەيىك، بۇنىڭ الدىندا استانا اكىمى اسەت يسەكەشيەۆ ءوزىنىڭ Faceebook-تەگى پاراقشاسىندا ەلوردالىق پوليتسيانىڭ اتالمىش يننوۆاتسيالارىن اتاپ وتكەن بولاتىن.
استانا پوليتسەيلەرى استانا پاركتەرىن 2014 -جىلدان بەرى ۆەلوسيپەدتەرمەن شولۋ جاسايدى.
