الماتى وبلىسى ەكسپو-2017 قوناقتارىن قارسى الۋعا دايىندىق ۇستىندە
بۇل تۋرالى بۇگىن وبلىستا وڭىرلىك و ك ق بريفينگىن وتكىزۋ بارىسىندا بەلگىلى بولدى.
اتاپ ايتقاندا، «استانا-ەكسپو» ۇ ك» ا ق ەكى وبلىستىق تۋريستىك فيرمامەن، 5 مەملەكەتتىك ۇلتتىق تابيعي ساياباقتارمەن ىنتىماقتاستىعى تۋرالى مەموراندۋمعا قول قويىلدى. تۋريستەر كەلۋگە ارنالعان نىساندار تىزبەسى ايقىندالدى. بارىنشا تارتىمدى تۋريستىك نىساندار (التىنەمەل، «ىلە الاتاۋى»، «كولساي كولدەرى»، «شارىن»، «جوڭعار الاتاۋى» ۇلتتىق تابيعي ساياباقتارى اۋماعى بار) بويىنشا مارشرۋت، تەحنيكالىق كارتالار ازىرلەندى.
«وبلىستىڭ تۋريستىك مۇمكىندىكتەرى ميلان قالاسىندا وتكەن ەكسپو-2015 كورمەسىندە تانىستىرىلدى. 2016-جىلى باسىلىمعا ارنالعان جارنامالىق-اقپاراتتىق ءونىم ازىرلەۋ جۇمىستارى جۇرگىزىلدى.
«سونداي-اق 2016-جىلى كورمەگە قاتىسۋشى ەلدەردىڭ رەسمي دەلەگاتسياسى ءۇشىن وبلىستىڭ تۋريستىك ايماقتارىنا ەكسكۋرسسيا، ميلانداعى قازاقستاندىق پاۆيلونعا قاتىناعان ميلليونداعان كەلۋشىلەر ءۇشىن رەاليتي-شوۋ تۇسىرىلىمدەرىن وتكىزۋ جوسپارلانۋدا. ورنالاستىرۋ جانە تاماقتانۋ نىساندارىنىڭ قىزمەتكەرلەرىنە ترەنينگ-كۋرستار سەرياسىن وتكىزۋدى باستاماقپىز. قازىر تالعار، قاراساي اۋداندارىندا 2 سەمينار ءوتتى. 45 تەن استام ادام وقىتىلدى»، - دەدى تۋريزم باسقارماسىنىڭ باسشىسى.
